Jalan Kebun Sultan

Jalai Kebun Sultan ba Kota Bharu, Kelantan tau dikumbai Pasar China tau ka China Town laban ba jalai tu meh mayuh kedai china banding  enggau endur bukai ba pasar besai Kota Bharu. Ba jalai tu mayuh macham kedai bisi dibuka kelebih agi iyanya kedai makai. Kedai makai ke pemadu popular ditu iyanya Medan Selara Kebun Sultan. Ba medan selara ditu mayuh macham pemakai bansa cina Kelantan bisi disedia ditu. Aku nemu endur tu ulih kaban aku betanya ngagai urang mayuh ke bisi ditemu ba pasar Kota Bharu leban deka nguji makai utai ke dipanduk bansa china Kelantan.

Jalai Kebun Sultan.

Padang Penerbai Bilun Husein Sastranegara

Padang Penerbai Bilun Husein Sastranegara bepalan ba Bandung di menua Jawa Barat, Indonesia. Penyauh ari pasar besai Bandung bisi manggai ngagai 5 km.

The Grand Old Lady

Padang Penerbai Bilun Sultan Ismail Petra, Kota Bharu, Kelantan

Padang penerbai bilun tu suba kala nyadi palan padang penerbai bilun serdadu langit British. Ditu meh keterubah serdadu Jipun terengkah ba Malaya kena 8 Disember 1941 maya perang dunya ka-dua suba.

Padang Penyangkai Bilun Antarabangsa Brunei

Padang Penyangkai Bilun Antarabangsa Brunei iyanya padang bilun ke amat beguna ti meri servis nerbai ke temuai ari menua luar datai ke Brunei tau ke mai temuai ke luar ari menua Brunei. Serdadu Langit Diraja Brunei ba Pengkalan Langit Rimba (Rimba Air Base) mega bepalan ba padang bilun tu.

Tanda km

Tu meh gaya tanda kilometer ba menua pegai Brunei Darussalam ti digaga ari besi enda sebaka baka menua Malaysia ti digaga ari konkrit. Sistem tanda km tu sama baka sistem tanda km Malaysia. Ti di Malaysia, sistem baka tu dikumbai tiang jenis B iyanya ngayan ke siti nama menua ke pemadu semak sereta penyauh menua tu ari tanda km nya. Tanda km tu dipasang ba sepanjai jalai alun enggau penyauh antara satu kilometer ari tanda km ke bukai.

 

Ba gambar atas, ngayan ke menua Sg. Tujoh bepun ari tanda km tu. Nya kebuah tanda km tu kusong (0).

  

Tangkuban Perahu, Indonesia

Gunung Tangkuban Perahu sigi ari gunung ba provinsi Jawa Barat, Indonesia kurang lebih 20 km ari arah utara Pasar Besai Bandung, kayu pun pinus enggau ladang kebun teh ulih dipeda tumbuh ngelingi gunung tuk. Peninggi gunung tuk datai ngagai 2,084 meter tau ka 6, 837 kaki ari tikas purata tasik.

Istana Cipanas, Indonesia