Pengingat Lama ari Warrant Officer (WO II) Tom anak Dap - Cherita 9

Tampung ari Cherita 8

Bekejang ke Kem Port Dickson

Ari kapal MV Rajah Brooke (kapal ke mai kami belayar ari Sarawak ke Singapore) bala kami pan lalu diangkut ngena bot mit ke darat lalu diasuh niki lori serdadu ti mai bala kami ngagai Kem Nee Soon. Maya nya mayuh serdadu ari menua Hong Kong begempuru ba kem nya.

Kem Nee Soon tu iyanya kem dikena bala serdadu British transit. Kem tu bepalan ba Sembawang adap ke utara di menua Singapore.

Gambar ba atas ngayan ke berrack dalam Kem Nee Soon di ambi urung tahun 1961.Tu meh kem endur alai kami bermalam terubah iya datai ba Singapore kena bulan lapan 1959.

Hari siti, bala kami diangkut ngagai stesen keretapi Johore Bahru. Hari stesen keretapi tu kami lalu ke Seremban, Nengeri Sembilan. Datai di Seremban, lori serdadu endang udah nganti penatai kami lalu dibai ngagai Kem Port Dickson. Datai ba Kem Port Dickson, kami pan lalu ngerigister diri.

900928 Pte Tom anak Dap SWK R

Lumor 900928 iya nya lumor terubah aku nyadi serdadu. Pte iya nya pangkat datai ari jaku Private lalu ditangkan ke nama aku. SWK R iya nya jaku pandak datai ari jaku Sarawak Rangers. Tu meh kelai aku ke terubah nyadi serdadu ba Sarawak Rangers kena 7 Ogos 1959.

Medal keterubah diberi perintah serdadu British iyanya Elizabeth II DEI Gratia Regina F.D. Ba tisi medalnya bisi diukir kelai serdadu baka lumor, pangkat, nama serta unit.

General Service Medal bansa ke dikena
serdadu British ba Malaya dikumbai
Elizabeth II DEI Gratia Regina F.D.



900928 PTE TOM ANAK DAP SWK R