Padang penerbai bilun tu suba kala nyadi palan padang penerbai bilun serdadu langit British. Ditu meh keterubah serdadu Jipun terengkah ba Malaya kena 8 Disember 1941 maya perang dunya ka-dua suba.
Pengudah perang, padang penerbai bilun tu nyadi palan penerbai periman. Terminal bala penumpang lalu digaga kena meri servis ngagai temuai. Palan tu dikumbai tau ke diberi nama Padang Bilun Pengkalan Chepa. Palan tu dikemesaika sereta di tambah terminal lalu ditukar nama nyadi Padang Penerbai Biliun Sultan Ismail Petra.
Urung tahun 1999, perintah madahka deka mindahka padang bilun tu ngagai terminal baru. Projek tu berengkah digaga urung tahun 2000 enggau kos bisi manggai ngagai RM 55 milion. Terminal lama lalu dijadika Sekula Ngelatih Penerbai Asia Pasific.
Padang Penerbai Bilun Sultan Ismail Petra berengkah operasi kena bulan Setember 2002. Diatu pemesai palan tu bisi manggai ngagai 12, 000 meter persegi sereta bisi ngebuan mayoh macham servis, nyengkaum tiga igi aerobrigde kena bala dagang temuai ti majak nambah nyinting tahun.
Admin bisi kitu maya pengawa Baum Kali Ka-Empat Komiti Teknikal Antara Menua Sarawak enggau Berunei Darussalam ti dipejadika kena 25 ngagai 29 April 2011.
No comments:
Post a Comment