Gambar tuk diambi kena 17 Disember 2006 begulai enggau delegasi ari menoa Indonesia ngimbai antara menua Malaysia - Thailand ba Padang Besar. Pagar konkrit dibelakang kami nya digaga perintah kena sida iya nagang pengawa urang ke mai utai ke enda patut tau ke ditagang perintah baka senyata, dadah tau ke dagang mensia. Ari 646 km pemanjai garis antara menoa tuk, 551 km antara menoa tuk meraka atas tanah serta 95 km antara ke sungai iya nya Sungai Golok. Pagar tuk bisi digaga ba Perlis/Satun serta Perlis/Songkhla. Pagar tuk mega bisi digaga ba Kedah/Songkhla. Ngimbai pagar tuk mega bisi digaga perintah jalai kena bala soldadu serta polis bejalai nyaga penglikun menua tuk.
Pagar tuk mega bisi dipeda mansa pasar Satun, ba Songkhla menua pegai perintah Thialand, baka ke dipandang ba gambar di atas. Seberai pagar nya iya nya Padang Besar. Pagar tuk nang digaga ba atas garis antara menua.
Batu konkrit di belakang kami nya, iya nya dikumbai tanda sempadan. Tanda sempadan tuk bisi ngebuan koordinat xyz. Enti sema tanda tuk nyau, tanda baru ulih ditanam baru ba alai tanda tuk tadi. Kebuah nya bakanya, laban koordinat tanda tuk agi mengkang dia. Tanda sempadan ulih nyau, tang ukai koordinat.
No comments:
Post a Comment