Tanjung Datu bepalan ba sukut adap ke Barat menua Sarawak di Sematan bisi ngebuan tiga iti rumah api enda nyengkaum siti rumah api ke dijaga Indonesia.
Rumah api keterubah iya digaga urung tahun 1870an uleh perintah Rajah Putih kelia. Rumah api tu digaga ba atas batu ba tuchung ke pemadu tinggi ba Tanjung Datu. Rumah api tu ngena teknologi minyak gas dikena nyadi ke api.
 |
| Rumah api terubah iya digaga urung tahun 1870an. |
 |
| Gaya tasik adap ke Tasik China Selatan dipeda ari rumah api lama. |
Urung tahun 1987, rumah api tu tadi diketuke tau ke enda agi dikena lalu diganti enggau rumah api ke baru. Rumah api kedua tu digaga ari batang besi dipasang baka menara tinjau. Api ke nyadi ba rumah tu ngena teknologi kuasa solar tau ke kuasa ari mata panas ti ditukar nyadi elektrik.
 |
| Rumah api ke digaga urung tahun 1987 dipasang ngena besi baka menara tinjau. |
Rumah api kedua tu mega diketuke enda dikena agi lalu diganti enggau rumah api kebaru agi urung tahun 1993. Rumah api tu digaga ari konkrit ngambi ke teguh serta likun. Rumah api tu mega ngena teknolgi kuasa solar ti ditukar nyadi elektrik dalam rumah kaca tau ke lantern house.
 |
| Rumah api ke digaga urung tahun 1993. |
Admin suah kitu laban ngabas antara menua kitai enggau menua pegai Indonesia. Gambar ke dipandang ditu diambi kena 15 April 2008 maya bisi lawatan teknikal begulai enggau agensi bukai baka agensi ari Opis Tasik Sarawak.
 |
| Ba atas kapal Tg. Payong. |
No comments:
Post a Comment