Pengingat Lama ari Warrant Officer (WO II) Tom anak Dap - Cherita 4

Jeman Besekula

Dulu aku minta ampun ngagai pemacha enti sema nama ke dirintai aku ditu bisi salah. Daya pengingat udah surut laban utai tu udah lama. Enti sema bisi salah minta bala kita ulih meri komen ba baruh tu tau ke e-mail ngagai ruai tu.

St. Peter's School, Saratok

Aku ngemun besekula iya nya urung tahun 1949. Aku nadai kala belajar ba sekula tadika laban maya jeman nya sekula tadika apin bisi. Terubah aku besekula iyanya ba St. Peter’s School, Saratok berengkah bulan Februari 1949 ngagai bulan Disember 1953.

Gambar di atas di ambi urung tahun 1949 begulai enggau Liman sepiak kanan sereta menyadik iya Anting sepiak kiba ba studio di pasar Saratok.



Gambar diambi urung tahun 1950.



Baka ke dipandang ba School Living Certificate ba atas, aku sempat nembukke sekula ngagai primari enam.

St. Agustine's School, Betong

Udahnya aku lalu nyambung belajar ba St. Agustine’s School, Betong kena bulan Januari 1954 ngagai Disember 1955.

   


Gambar ke dipandang ba atas iya nya gambar kelas Form Dua St. Agustine’s School, Betong diambi urung tahun 1955.

Bala ke bisi ba gambar iya nya baka tu:

Duduk ari kiba: Pelajar Mathew Sumbang, Pengajar Lim Su Koh, Father Anthony Perry, Pengajar Miss Andrews, Pengajar Augustine Kassim, Pengajar Ngelayang, Pelajar Nicholas Ratih.

Bediri ari kiba: Asong anak Silang (Penghulu), Ensol, Sungom, Edmund Langgu anak Saga (Datu), Ngadan anak Samuel, James Lon, Pelajar ?, Bedindang, Tom anak Dap, Pelajar ?, Jimmy Layang anak Enau, Pelajar ?, Miss Silinggau, John Sepawi, A Jambul anak Enggan, Weber Ketit.





Gambar ke dipandang ba atas iya nya gambar pelajar indu ari St. Margret's School, Betong ya ke diau bemalam ba sekula nya begulai begambar enggau Father Anthony Perry (duduk lumor 3 ari kiba), Pengajar Miss Andrews (duduk lumor 4 ari kiba) sereta Pengajar Miss Nasa (duduk lumor 5 ari kiba). Sida tu begambar ba St. Agustine’s School, Betong ngemelakangke rumah pengajar bansa ribai iya nya Benard Predy, MA (Master of Art). Rumah tu mega dijadike opis pelajar sekula.

Aku kala tinggal sereta bermalam di rumah pengajar tu begulai enggau Alfred Jabu anak Numpang (Tan Sri) sereta Dunstan Endawie anak Enchana (Datuk Amar) maya kami nyadi pelajar ba St. Agustine’s School, Betong. Kelimpah ari nyadi pelajar sekula, tiap-tiap iku kami mega bisi diberi pengawa ngintu rumah nya . Aku tu tadi nyadi tukang masak ke bala kami sereta enggau pengajar Benard Predy,  Endawie tukang masu gari, Jabu tukang kemas rumah.

Gambar atas mandang ke School Living Certificate ti dikeluarke St. Augustine's School, Betong.

St. Thomas's School, Kuching

Urung tahun 1956, aku dipasuk ke ngagai St. Thomas’s School, Kuching. Maya nya aku diau bemalam di asrama lalu di kena fee penyampau $50.00 sebulan kena mayar boarding fee sereta $9.00 sebulan kena mayar school fee. Enti sema bisi diri menyadik sama diau bemalam di asrama, boarding fee deka dikena $45.00 sebulan aja.

Begambar ngemelakangke St. Thomas Cathedral ti baru tembu tahun 1956. Gereja asal iya nya gereja ti digaga ari kayu tebelian ti bepalan sepiak Cathedral tu, direrak enggau manah lalu di pindah ngagai endur bukai ba menua Samarahan. Aku mega sempat bersembiang ba gereja lama sebedau gereja tu direrak lalu dipindahke.

 

Gambar atas ngayan ke pelajar ke diau bemalam ba Boarding House of Hose begulai enggau Boarding House Master David Marshall (duduk lumor 5 ari kiba) urung tahun 1956.

Bala ke bisi ba gambar iya nya baka tu:

Cecanguk ba mua ari kiba: Edwin Jipun, Adam White, Dunstance Miling, Tujuh, Made Katib (Datuk, Bishop of Kuching).

Duduk ari kiba: Pelajar 1?, Steven Tiong, Michael Bong, Simon Dublin, Boarding House Master David Marshall, Chin Kah Jin, Pelajar 7?, Fang Kee, Pelajar 9?, Chin Kah Kong.

Bediri ari kiba: Andrew anak Tini, Peter Mandy, Pelajar 3?, Pelajar 4?, Simon Dimbap Maja (Datu), Gerald Parker, Daniel Tajem (Dato Seri), Richard Phan, Pelajar 9?, Chang Foh On, Michael Tiong, Tom anak Dap.

Rumah ba belakang ke diayan ba gambar atas iya nya bilik Boarding House Master berimbai enggau asrama pelajar sekula. Tingkat baruh endur alai lockers pelajar, tingkat atas endur alai pelajar tinduk.

Maya besekula dia, aku mega bisi kala enggau pelajar sekula main bul ngarike sekula.

Gambar atas ngayan ke tim main bul St. Thomas's School, Kuching  begulai enggau tim main bul St. Peter's School, Saratok sebedau berengkah bemain. Alai endur main tu bepalan ba padang bul perintah ngimbai berek polis (rumah di belakang pemain bul tu) di Saratok. Pengawa tu nyadi urung tahun 1956.

Tiap pagi ari minggu, semua kami tu tadi ke diau bemalam di asrama, enda milih nama pengarap nuan, bebaris nurun ke St. Thomas Cathedral laban deka besembiang. Maya nyambut skramen, pelajar ke ukai Kristian tadi ulih mansut kediri ari gereja.





Gambar atas ngayan ke pelajar asrama bebaris pagi hari minggu deka nurun ke gereja. Ba gambar tu mega bisi ngayan ke Hotel Aurora, antara hotel ke tebilang ke terubah ya digaga ba menua Sarawak. Diatu hotel nya udah diruntuh kena meri awak ngagai Hotel Merdeka Palace.

Dua iti gambar ke dirintai di baruh tu, mandang ke pelajar asrama St. Thomas's School, Kuching bebai ke tambai bebaris maya deka nurun bejadi ke St. Thomas Cathedral ti baru tembu tahun nya iya nya tahun 1956.





Rumah ke di belakang sida tu (gambar atas) iya nya bilik kelas pelajar St. Thomas's School, Kuching.

Gambar atas ngayan ke pelajar ke diau bemalam ba St. Thomas's School, Kuching bisi dikangau begempuru maya makai besai ke diadu ba Hotel Aurora urung bulan November 1956.

Gambar atas - gambar pelajar ke diau bemalam di asrama St. Thomas's School, Kuching diambi urung tahun 1956.

Aku mega agi bedau nyimpan report card pelajar sekula tu baka ke dipandang ba baruh tu.



Lambar kulit report card.



Lambar 1

Endang atur maya tembu belajar, Leaving Certicate deka dikeluarke ngagai pelajar kena ngesahke sida tu udah ngebuan penemu ari sekula ti ulih dikena nyambung belajar tau ke ngiga pengawa.

Lambar mua.

Lambar belakang.

Tuai pengajar sekula mega bisi meri komen ba lambar belakang certificate baka ke diayan ba atas.