Sarawak Rangers (Far East Land Forces)
Kena 31 Ogos 1957, perintah Malaya buleh Mardeka ari Perintah British. Lalu maya nya pengachau komunis nyau kurang agi. Kenyau arinya, siti siti nengeri di menoa Malaya nyau mansang likun nadai pengachau agi lalu semua pengawa ke besekat udah di kemaduka.
Kena 31 Ogos 1957, perintah Malaya buleh Mardeka ari Perintah British. Lalu maya nya pengachau komunis nyau kurang agi. Kenyau arinya, siti siti nengeri di menoa Malaya nyau mansang likun nadai pengachau agi lalu semua pengawa ke besekat udah di kemaduka.
Bulan Marc 1960, Sarawak Rangers pindah ari Port Dikson ngagai Baird Camp Ulu Tiram laban deka numboh siti unit ti dikumbai Special Tracking Unit dipegai sereta dikuasa ulih serdadu British. Unit mit tu tau dikumbai unit pemadu bepetemu dalam pengawa nyidi munsuh ba babas lalu tau dikena ba sebarang alai menua ba dunya enti sema digerah serdadu British. Unit tu mega dikumbai Sarawak Rangers (Far East Land Forces) dipejadika kena 1 April 1960 nitih atur The Sarawak Rangers Ordinance, 1960, The Sarawak Rangers (Far East Land Forces) Unit Regulations 1960 (Made Under Section 24). Berengkah arinya, aku lalu ngena lumor serdadu ti baru iyanya MYA 18195047 ti meri servis lalu dipegai Perintah Queen ari United Kingdom.
Kena nanda Sarawak Rangers tu dipegai sereta dikuasa ulih serdadu British, dalam bulan Jun 1960, baris besai ba Baird Camp, Ulu Tiram, Johore bisi dipejadika. Baruh tu dirintaika gambar ngayanka pengawa bebaris tau ke Kawad Besai Diraja tu.
Gambar Kawad Besai Diraja ari raban serdadu Sarawak Rangers ti ngena gari lumor 1, iyanya gari penuh adat tau ke dikumbai dalam jaku ribai iyanya full ceremonial dress diatur ba padang kawad Baird Camp, Ulu Tiram, Johore, Jun 1960. Ukui penyidi pan sama enggau raban Sarawak Rangers bebaris. Rumah besai ba tuchung bukitnya iyanya rumah endur alai diau Company Sergeant Major WO II Gon ak. Semada, BEM, kitai Iban ari Baleh, Kapit.
Sarawak Chief's Secretary, Iya Ti Dibasaka F.D. Jackway, bediri ba palasar sepiak kiba gambar, meri tabi basa ngagai kawad Besai Diraja ari raban serdadu Sarawak Rangers. Serdadu ke megai tambai Sarawak Rangers ba sepiak kanan gambar tu iyanya Col'our Sergeant Jimba ak. Layang, BEM, kitai Iban ari Baleh, Kapit.
Kawad besai meri Basa Diraja ari raban serdadu Sarawak Rangers maya pengawa pengerami bejadika Sarawak Rangers ke baru. Gambar ba atas mandangka Capt. Beregain, bansa ribai, tuai kawad maya pengawa pengerami tu.
Beserimbai enggau pengerami maya Kawad Besai Diraja tu, pengawa beberi ke Keris ti mai meri reti ti besai sereta nyadi ke tanda basa ngagai serdadu Sarawak Rangers ti udah berambun ke nyawa ngetan menua Malaya maya agi siga sereta kacau suba bisi diatur. Gambar ba atas ngayanka Brigadier Ganeral Raja Lope (ngena gari Bansa Laut) meri sereta nyuaka keris ngagai Officer Commanding Maj. D.L. Bruce Merrie, MC iyanya tuai ti nyadi kepala megai Sarawak Rangers ti nganti Lt. Col C.J. Baird, OBE.
Ba sepiak kanan gambarnya mega besi ngayanka Tun Jugah ak. Barieng bediri sepiak Sarawak Chief's Secretary, F.D. Jackway. Bediri antara Brigadier Ganeral Raja Lope enggau Maj. D.L. Bruce Merrie, MC iyanya Cpl. Sigai, kitai Iban ari Lubok Antu.
No comments:
Post a Comment