Sebulan nandan di langit, setahun nampun dibukit. Sari tu genap anak admin ke tuai nyambut hari pengada ke 12 tahun. Enda berasai anak udah angkat dara.
Seminggu sebedau sari tu, anak admin bisi enggau tim main net ball ngari ke sekula sida iya SR Satria Jaya. Sekula sida tu udah mujur nyadi juara peringkat Zon A lalu buleh midul emas sereta sijil bemain. Endang manah amat utai tu nyadi beserimbai enggau hari pengada iya.
 |
| Aeisha lumor dua ari kanan bediri ba belakang. |
Iya endang minat enggau mayuh macham aktiviti ba sekula. Iya kala mega nyadi keyboardist sekula lalu suah dibai pengajar bemain lagu Ibu Pertiwiku serata Negaraku enggau lagu sekula maya hari begempuru sekula ti selalu diadu maya hari Satu.
Sari tu hari jadi Aeisha di intu iya ba sekula begulai enggau pangan sekula iya. Apai enggau Indai sereta menyadi nuan Bella sereta Aubrey meri Selamat Hari Pengada ngagai nuan. Besampi ngagai Petara semampai merkat nuan enggau pengerai, pengerindu enggau pengelantang. Amen.
No comments:
Post a Comment