Tuan OC Major D.L Bruce Merrie, MC ukai semina rinduka soldadu Iban Sarawak Rangers tauka nyaga penglikun sereta pendiau sida iya enggau bini anak sida iya, iya mega rinduka main asal enggau adat raban bansa kitai Iban. Bulan April 1961, udah pengawa bepilihka soldadu tembu diatur, aku bisi dibai begulai enggau iya sereta siku agi pegawai soldadu Ribai iyanya Capt. M. Bolton bejalai ngusung rumah-rumah panjai kitai Iban ba Bagi Kedua enggau Bagi Ketiga, Sarawak.
Sebedau berengkah mupuk bejalai, dia kami dibai Sgt. Ningkan anak Kasau ngagai rumah panjai iya di Pudai. (Diatu menuanya udah nadai agi, ampuh gasak ke tekat Batang Ai). Pemanah adat bansa kitai, ukai semina enggau bala ke beserimbai pendiau, kitai mega bebasa amat ngagai temuai. Dia kami disambut bala Iban Rumah Panjai Pudai enggau piring lalu bedara labanka rindu meda penatai bala kami, kelebih agi bala kaban ari raban bansa Ribai.
Sekeda rumah panjai bukai ke dilawa kami iya ke dikingat ke aku iyanya Rh. Manau di Lubok Antu sereta Rh. Pengulu Narok di Skrang. Kami mega bisi kala bemalam ba sekula di Nanga Gerenjang, Krian. Maya nya sekula tu dipegai Budu Development Scheme ti betuaika Thomas Mc. Bride, scheme ke endur aku gawa suba (peda Cherita 5). Ari tu kami berangkat mupuk ke rumah panjai aku empu ba Melupa, Saratok bekena ke perau panjai ke bisi injin sepit. Kami pan bemalam ba Melupa enda lama sebedau nerus ke pejalai ngagai endur bukai. Ari Melupa, kami bekena ke perau panjai beinjin sepit ke sekula Nanga Budu. Sekula tu mega dipegai Budu Development Scheme kala endur aku ngajar (peda Cherita 5). Ari sekula Nanga Budu, kami bejalai kaki sehari-hari nengah jalai Iban bepansaka umai sereta kebun sebedau datai ba Rh. Pengulu Itam di Entabai lalu bemalam dia. Ari Entabai kami ngena perau panjai beinjin sepit undur ngagai Meluan. Ari Meluan sekali agi bekena ke perau panjai undur ngagai Pasar Kanowit.
Di Kanowit aku bisi betemu enggau tuan DO Kanowit iyanya (Dato Sri) Peter Tinggom anak Kemarau. Iya mega lalu ngemai aku bemalam ba rumah iya. Maya nya mega dua buah kapal Soldadu Tasik British bisi ngereja pengawa matau menua batang Rajang ti benung nuntung ba Pasar Kanowit. Tuan OC Major D.L Bruce Merrie, MC sereta Capt. M. Bolton lalu bemalam ba kapal soldadu nya.
Hari ketiga kami pan mupok ari Kanowit nuju Kapit ngena kapal Soldadu Tasik British. Maya nya Pengarah Sibat sama bisi enggau kami. Iya lebuhnya berasai gaga sereta rindu ati laban dipelabaka iya mina siku aja Iban ke bisi udah nepan Kapal Soldadu Tasik British, maya nya kini.
Di Pasar Kapit aku diau ba sadau Kubu Kapit. Diatu Kubu nya udah nyadi Muzium Tun Jugah. Tuan OC Major D.L Bruce Merrie, MC sereta Capt. M. Bolton bemalam ba rumah rehat perintah. Kami di Kapit bisi datai ngendua malam. Ari Kapit kami nemuai ngagai Rh. Jugah di Baleh bekenaka perau panjai beinjin sepit ti di sediaka perintah. Datai ba Rh. Jugah, kami disambut enggau piring lalu bedara labanka rindu meda penatai bala kami. Pua kumbu dianchau dijadika tikai endur kami duduk. Lebuh maya nya sida ke bisi di rumah panjai nya sama-sama begempuru.
Kelimpah ari Rh. Jugah, kami mega bisi bemalam di Rh. Tedong (apai ex Major Walter Ted Wong) di Baleh sereta bemalam ba Rumah Pengulu Sibat di Mujong.
Sebedau berengkah mupuk bejalai, dia kami dibai Sgt. Ningkan anak Kasau ngagai rumah panjai iya di Pudai. (Diatu menuanya udah nadai agi, ampuh gasak ke tekat Batang Ai). Pemanah adat bansa kitai, ukai semina enggau bala ke beserimbai pendiau, kitai mega bebasa amat ngagai temuai. Dia kami disambut bala Iban Rumah Panjai Pudai enggau piring lalu bedara labanka rindu meda penatai bala kami, kelebih agi bala kaban ari raban bansa Ribai.
Sekeda rumah panjai bukai ke dilawa kami iya ke dikingat ke aku iyanya Rh. Manau di Lubok Antu sereta Rh. Pengulu Narok di Skrang. Kami mega bisi kala bemalam ba sekula di Nanga Gerenjang, Krian. Maya nya sekula tu dipegai Budu Development Scheme ti betuaika Thomas Mc. Bride, scheme ke endur aku gawa suba (peda Cherita 5). Ari tu kami berangkat mupuk ke rumah panjai aku empu ba Melupa, Saratok bekena ke perau panjai ke bisi injin sepit. Kami pan bemalam ba Melupa enda lama sebedau nerus ke pejalai ngagai endur bukai. Ari Melupa, kami bekena ke perau panjai beinjin sepit ke sekula Nanga Budu. Sekula tu mega dipegai Budu Development Scheme kala endur aku ngajar (peda Cherita 5). Ari sekula Nanga Budu, kami bejalai kaki sehari-hari nengah jalai Iban bepansaka umai sereta kebun sebedau datai ba Rh. Pengulu Itam di Entabai lalu bemalam dia. Ari Entabai kami ngena perau panjai beinjin sepit undur ngagai Meluan. Ari Meluan sekali agi bekena ke perau panjai undur ngagai Pasar Kanowit.
Di Kanowit aku bisi betemu enggau tuan DO Kanowit iyanya (Dato Sri) Peter Tinggom anak Kemarau. Iya mega lalu ngemai aku bemalam ba rumah iya. Maya nya mega dua buah kapal Soldadu Tasik British bisi ngereja pengawa matau menua batang Rajang ti benung nuntung ba Pasar Kanowit. Tuan OC Major D.L Bruce Merrie, MC sereta Capt. M. Bolton lalu bemalam ba kapal soldadu nya.
Hari ketiga kami pan mupok ari Kanowit nuju Kapit ngena kapal Soldadu Tasik British. Maya nya Pengarah Sibat sama bisi enggau kami. Iya lebuhnya berasai gaga sereta rindu ati laban dipelabaka iya mina siku aja Iban ke bisi udah nepan Kapal Soldadu Tasik British, maya nya kini.
Di Pasar Kapit aku diau ba sadau Kubu Kapit. Diatu Kubu nya udah nyadi Muzium Tun Jugah. Tuan OC Major D.L Bruce Merrie, MC sereta Capt. M. Bolton bemalam ba rumah rehat perintah. Kami di Kapit bisi datai ngendua malam. Ari Kapit kami nemuai ngagai Rh. Jugah di Baleh bekenaka perau panjai beinjin sepit ti di sediaka perintah. Datai ba Rh. Jugah, kami disambut enggau piring lalu bedara labanka rindu meda penatai bala kami. Pua kumbu dianchau dijadika tikai endur kami duduk. Lebuh maya nya sida ke bisi di rumah panjai nya sama-sama begempuru.
Kelimpah ari Rh. Jugah, kami mega bisi bemalam di Rh. Tedong (apai ex Major Walter Ted Wong) di Baleh sereta bemalam ba Rumah Pengulu Sibat di Mujong.
Gambar di atas ngayanka aku ari sepiak kiba gambar begulai enggau Tuai Rumah Tedong ba tengah udah nya di tangkanka Major D.L Bruce Merrie, MC. Gambar di ambi ba Rumah Tedong, Baleh bulan Mei 1961. Tuai Rumah Tedong tu apai Major Walter Ted Wong ke nyadi pegawai soldadu ba Sarawak Rangers.
Mayuh agi rumah-rumah panjai dilawa kami tang aku enda teingat ke nama rumah panjainya. Tembu pengawa kami tu, kami pan lalu mulai ke diri ngagai Pasar Kapit. Ari pasar Kapit kami nurun ke Pasar Sibu bekenaka Kapal Dagang ti dikumbai bala Iban Kapit motor pom. Semalam-malam nya motor pom tu undur ke Sibu. Pagi hari siti baru datai ba Pasar Sibu.
Pejalai kami tu ti berengkah ari Lubok Antu, bemalam ba mayuh rumah panjai ti bisi ba Bagi Kedua enggau Bagi Ketiga, bemalam ba Pasar Kanowit sereta Pasar Kapit lalu ke penudi sekali di Sibu, kiraka bisi ngambi pengalama sebulan. Maya pengawa bejalai tu, Major D.L. Bruce Merrie, MC bisi pengerindu bekumpulka penemu pengawa main asal adat raban bansa Iban enggau beambika gambar utai ke dipeda iya, lalu dituliska iya ba siti artikel THE IBAN ba dalam bup The British Army Review ke dikeluar sereta dichelak dalam bulan Oktober 1963, dua tahun udah pengawa bejalai tu tembu. Tiga iti gambar chelum burak ba atasnya diambi ari artikel ke ditulis Major D.L. Bruce Merrie, MC ba bup The British Army Review Oktober 1963.
Kulit bup The British Army Review
Rintai artikel dalam bup The Brirish Army Review
Kulit belakang bup
No comments:
Post a Comment