"The Grand Old Lady" nama kumbai mensia maiuh kena ngangau Telaga Minyak Miri Lumor 1 tau ke Oil Well No. 1. Telaga tu antara terubah telaga minyak di buka ba menua Miri bepalan ba atas Bukit Kanada, Miri. Nitih ke tusi urang kelia, bisi siku bangsa ribai ari menua Kanada diau ba bukit tu. Iya bekerja tau ka bisness ngiga mensia maiuh ari dalam menua tau ka orang ari menua luar bekerja ba industri minyak ngilingi bukit tu. Nya kebuah bukit tu dikumbai orang bukit Kanada.
Telaga Minyak Miri Oil Well No. 1 tu digaga oleh kompeni Shell kena tahun 1910. Penglama 60 tahun ngeluar ke minyak manggai ngagai 660,000 tong minyak, kena tahun 1972 telaga minyak tu pan rangkai lalu ditutup. Berimbai enggau tahun nya mega, telaga tu diangkat nyadi national monumen.
Dulu kelia mega bisi menara tinjau enda jauh ari monumen tu kena bala temuai meda gaya menua Miri enggau tasik nyadi horizon. Menara tu direrak kena meri awak ngagai Muzium Sains Petroleum Miri lalu digaga platform kena bala temuai meda gaya Bandaraya Miri. Muzium tu empu bisi ngebuan maiuh macham utai ia ke bisi besangkut enggai industri minyak.
Admin bisi nemuai kitu lebuh bejalai ke pengawa teknikal begulai enggau bala ari opis survei Brunei kena 24 – 26 Ogos 2010.
No comments:
Post a Comment