D Wan Sekon Teodolit

Nama kebuah d wan sekon teodolit?

Wild T2 didirika ba tripod. Ba baruhnya kelai sempadan
 entara menua digaga ari konkrit.

D wan sekon teodolit tu asal ari jaku ribai iya nya the one second theodolite ti mai reti teodolit ti ngembuan sukut ngagai satu saat.

Teodolit iya nya sebengkah ari pekakas besukat ti dikena nyukat sukut vertikal enggau sukut horizontal. Pekakas tu bisi dipasang terupong ti ngembuan garis vertikal ba tengah terupong. Garis vertikal nya dibagi ngagai tiga baris agi ti dkumbai stadia atas, stadia tengah enggau stadia baruh.

Plat harizontal ti dipasang ba baruh terupong ti dikena macha sukut horizontal dalam darjah, minit sereta saat. Plat ba tisi terupong dikena macha sukut vertikal ti meri bacha mega dalam darjah, minit sereta saat.

Teodolit tu di pasang ba kakitiga tau ka tripod lalu diparas ngena timbang ai ti bisi dipasang ba teodolit nya. Udah nya teodolit tu tadi dituju ngagai target belakang ngena garis stadia tengah lalu diset sukut horizontal. Teodolit tu tadi dikuing ngagai target ba mua. Ari nya baru kitai ulih macha pemesai siti sukut entara dua iti garis.

Admin bekenaka teodolit maya nyukat entara menua
ba Raan Abang Bulu. Gambar diambil urung tahun 1994.

Pengawa admin ti besukat ke entara tanah bagi menua kitai Sarawak enggau menua ti dipegai perintah bukai suah amat bekena ke teodolit bansa tu. Teodolit ke ngembuan sukut ngagai satu saat tu amat beguna maya deka nentuka penunga garis entara menua. Ari tu tadi admin lalu deka meri nama blog tu ngena nama d wan sekon teodolit.