Admin suah bejalai ke Limbang, tang nadai kala nepan bilun lebuh nemuai kia. Tu meh terubah iya betepan ke bilun lebuh nemuai ke Limbang apin lama tu tadi. Kena 5 Mac 2012, opis admin bisi ngadu pengawa baum ba Limbang.
Padang Penerbai Bilun Limbang tu dipejadika kena 7 April 2004. Padang penerbai bilun ti baru tu bepalan kurang lebih 6 km ari Pasar Limbang adap ke Barat Laut Pasar Limbang.
Padang Penerbai Bilun Lama Limbang bepalan ngimbai Bukit Mas kurang lebih 4.8 km ari Pasar Limbang. Padang bilun tu digaga Soldadu British urung tahun 1963 dikena maya menua agi siga tauka carut (confrontation). Padang bilun tu enda entu panjai, semina ulih nerbai ke bilun bansa ti mit aja (Short Take Off and Landing - STOL port). Padang bilun lama tu senang digiga lalu agi ulih dipeda sampai ke diatu laban ke berimbai enggau jalai besai ke nuju ngagai Feri Temburong.
No comments:
Post a Comment