Pengingat Lama ari Warrant Officer (WO II) Tom anak Dap - Cherita 6

Begiga ke Pengawa

Kena 25 Februari 1958, maya agi bedau megai pengawa ngajar ba Budu Development Scheme, aku bisi minta bantu ari OIC Budu Dev. Scheme iya nya Thomas Mc. Bride ngaga serta nulis testimonial kena aku ngiga pengawa bukai. Testimonial nya agi bedau disimpan aku baka ke dipandang ba baruh tu:

Testimonial tu tadi dikirum ngagai Brooke Dockyard and Engineering Works ari opis pos Saratok. Semua surat ke dikirum keluar ari Saratok dipos ngena kapal dagang. Pengalama nganti balas ari Brooke Dockyard and Engineering Works bisi manggai ngagai 2 minggu. Surat saut diterima aku munyi baka tu:

Aku mega bisi minta bantu ari Boarding House Master St. Thomas's School sereta Priest In Charge Christ Church Mission iya nya Rev. Eric H. Scott ngaga serta nulis testimonial aku kena aku minta pengawa ba Goverment Printing Office, Kuching, Sarawak.



 

Sekali agi aku empu surat minta pengawa enda diterima. Opis Chelak Perintah bapalan di Kuching, Sarawak endur alai minta pengawa nadai vacancies maya nya. Surat balas opisnya munyi baka ke diayan ba baruh tu.