Hari Terbuka Kem Paroi Disember 1959
Kem Paroi bisi kala ngaga pengerami hari terbuka kena ngerami bala serdadu serta bini enggau anak serdadu kelebih agi serdadu ke dikumbai Malaya Other Ranks. Maya pengerami nya, mayuh macham pengawa bisi diatur baka mandangke bilun serdadu ke bisi meri servis nyaga penglikun di Malaya. Dibaruh tu dirintai gambar ke diambi ngayanke bilun single pioneer serta twin pioneer ke bisi di Kem Paroi.
Gambar atas ngayanke bilun ke dikumbai twin pioneer. Kebuah iya dikumbai twin pioneer laban iya bisi dua set propeler tau ke dua set kipas. Retinya iya bisi dua set enjin. Siti ba sayap kiba, siti ba sayap kanan.
Bala serdadu benung ninga penerang ke diberi ngagai sida iya sebedau niki nepan bilun. Bala serdadu endang diberi peluang nepan bilun tu. Tu meh terubah aku nepan bilun lalu di bai terbai ke langit.
Kelimpah ari mandang ke perengka serdadu, pengerami bukai mega bisi di atur. Gambar dibaruh tu ngayanke bala nembiak tau ke anak serdadu nepan kereta serdadu ke digaga tau ke diadu baru nitih gaya tau ke gamal bilun. Dibelakang sekali didirike khemah serdadu kena bala serdadu serta bini enggau anak sida iya belelak.
No comments:
Post a Comment