Scotish Aviation Single Pioneer

Dulu kelia, maya serdadu benung operasi ba babas tau ka kampong ngenan ke menua ari penyelawai komunis, endar ngarap amat ka bilun ti ulih nganjung perengka kelebih agi pemakai serdadu sereta tau mai serdadu ke bakal ari palan operasi ngagai hospital. Maya nya, bilun engkaban apin bisi meri servis ngagai serdadu ba menua Malaya, nya alai sida iya ngarap endar ke bilun Single Pioneer seretaTwin Pioneer.

Bilun Pioneer tu keterubah iya diperambu bisi perengka bejaku serdadu ngebuan 3 iti penduduk (three-seat light military communications aircraft) digaga nitih ka spesifikasi serdadu langit Di Raja British (Royal Air Force – RAF) ngena kuasa 179kw de Haviland Gipsy Queen 34 engine.

Bilun keterubah nitih utai ti beguna endar ba serdadu enda ulih dipejadika laban bisi penanggur nyadi gaya baru digaga nitih ke penerabai ke dikena urang mayuh.



Kena 5 Mei 1950, 387kw Leonides-powered Pioneer II, bilun Pioneer ka baru digaga Scotish Aviation Ltd., Prestwick, Scotland terubah iya diterebaika. Bilun tu ka bisi perengka bejaku serdadu ngebuan 5 iti penduduk dikena meri servis ngemai bala ka bakal (casualty-evacuation) maya bisi operasi serdadu. Bilun tu mega bisi siti stretcher dikena mai urang ka bakal tu tadi.

Bilun tu beguna ka padang bilun ti pandak iyanya 225 kaki maya deka terebai sereta 198 kaki maya deka terengkah.

 

Urung bulan Mac 1960, penyampau 53 iti Pioneer II udah digaga, mayuh ari bilun nya dikena RAF, 5 iti dikena Royal Ceylonese Air Force sereta sekeda dianjung ngagai Iran enggau Malaya.

Keterubah bilun Single Pioneer tu meri servis ba menua Malaya ianya kena 30 Disember 1958. Bilun tu beguna amat maya nya suba kelebih agi kena meri servis mai bala ke sakit (medical evacuation) tau ke bakal (casualty evacuation) ari palan operasi ngagai hospital.

Bilun tu diketu ka servis ari serdadu langit Malaya urung tahun 1967.

Apai admin udah kala nepan bilun tu maya iya nyadi serdadu Sarawak Rangers. Gambar ka dipandang ba atas ngayan apai admin ngemelakang ka bilun Single Pioneer di ambi ujung tahun 1959 ba Kem Paroi, Nenggeri Sembilan.