Belayar ke Singapore
Kami pan mupok belayar ke Singapore urung lemai hari pun bulan Ogos 1959. Ba kapal tu aku bekelala enggau Welfred Busu anak Minggat, siku ari kitai iban deka dipadu nyadi officer ba Sarawak Rengers.
Sama enggau kami ba kapal tu, iyanya serdadu Sarawak Rengers ti baru baduk ngereja pengawa ba menua Sarawak.
Gambar atas mandang ke bala serdadu Sarawak Rengers ba dek Kapal MV Rajah Brooke.
Aku sempat mega beambi ke gambar pasar Kuching ari Kapal MV Rajah Brooke baka ke dipandang ba gambar atas ti ngayan ke Bangunan Steamship Sarawak.
Pengalama belayar ke Singapore bisi datai ngagai dua malam. Kami datai ba Singapore iyanya kurang lebih jam dua pagi. Senawah terang lampu ke dipancar ari memacam kapal, bisi ke besai, bisi ke mit, ngelingi palan penyaikai kapal ba menua Singapore. Pia mega senawah lampu rumah ari menua Singapore manah amat di peda ari jauh. Nyau enda berasai hari pan tawas.
Aku sempat berambi ke gambar menua Singapore ari Kapal MV Rajah Brooke baka ke dipandang ba baruh tu.
Aku sempat berambi ke gambar menua Singapore ari Kapal MV Rajah Brooke baka ke dipandang ba baruh tu.
Gambar atas bisi ngayan ke South East Asia Insurance Building, rumah ke pemadu tinggi maya jemannya. Sepiak kanan rumahnya iya nya Gerneral Post Office Singapore.
No comments:
Post a Comment