Tanda km

Tu meh gaya tanda kilometer ba menua pegai Brunei Darussalam ti digaga ari besi enda sebaka baka menua Malaysia ti digaga ari konkrit. Sistem tanda km tu sama baka sistem tanda km Malaysia. Ti di Malaysia, sistem baka tu dikumbai tiang jenis B iyanya ngayan ke siti nama menua ke pemadu semak sereta penyauh menua tu ari tanda km nya. Tanda km tu dipasang ba sepanjai jalai alun enggau penyauh antara satu kilometer ari tanda km ke bukai.

 

Ba gambar atas, ngayan ke menua Sg. Tujoh bepun ari tanda km tu. Nya kebuah tanda km tu kusong (0).

  

Ti ba menua Malaysia tanda km iya ke diayan ba atas dikumbai tanda km jenis A, dipasang ba sepanjai jalai alun enggau penyauh 5 km ari tiap-tiap iti tanda km. Jenis tanda km tu bisi ngayan ke penyauh dua bengkah menua ari tanda km tu. Tutong 78 km sereta B. S. B tau ke Bandar Seri Begawan 128 km.

Gambar diambi maya mensa menua tu kena 22 Mac 2011. Jalai ke dipansa maya nurun ari Miri ke Limbang leboh bisi pengawa lawatan teknikal antara menua ba Bahagian Limbang.