Padang Penyangkai Bilun Antarabangsa Brunei iyanya padang bilun ke amat beguna ti meri servis nerbai ke temuai ari menua luar datai ke Brunei tau ke mai temuai ke luar ari menua Brunei. Serdadu Langit Diraja Brunei ba Pengkalan Langit Rimba (Rimba Air Base) mega bepalan ba padang bilun tu.
Pengawa dagang tau ke komersial bekena ke perengka pengangkut bilun di menua Brunei bemun tahun 1953 ti dikena berangkut pulai mansang antara Bandar Sri Begawan enggau Anduki ba menua pegai Belait di Brunei.
Operasi padang bilun maya jeman nya bepalan ba Berakas iyanya padang bilun lama ke digaga serdadu Jipun maya perang dunya ke-dua kelia. Maya nya padang bilun tu dikumbai Padang Bilun Brunei tau ke Brunei Airport.
Servis betepan ke bilun ti nyadi perangka pengankut langit majak popular maya jeman 70an ti ngujung ke padang bilun tu kelalu balat sekut ketegal pemayuh bilun ke terengkah tau ke terabai ari palan tu.
Berindik ari nya perintah Brunei lalu ngaga padang bilun baru ba menua Berakas. Operasi padang bilun baru tu berengkah dikena urung tahun 1974.
Diatu, padang bilun tu ke bisi ngebuan terminal antarabangsa, udah meri servis perengka pengangkut bilun ngagai raban urang mayuh ti manggai ngagai 2 juta iku sereta pemayuh perengka kargo ti manggai ngagai 50 ribu tan.
Palan endur baru tu ulih dilawa enggau awak 10 minit aja ari Bandar Sri Begawan. Taxi tau ke bas bisi meri servis berangkut ke bala mayuh ngagai endur tu.
Admin bisi kala kitu kena 22 April 2010 maya lawatan teknikal antara menua ba Tedungan, Sarawak sereta Kuala Lurah, Brunei.
No comments:
Post a Comment