Caversham Wildlife Park, W.A

Kena 26 Ogos 2009, bala admin bisi nemuai ngagai Caversham Wildlife Park, Western Australia.

Nyadi taman tau ke palan jelu siga tu diempu serta diurus David serta Pat serta anak seduai iya, David serta Debbie. Palan tuk dibeli dalam taun 1987 enggau pemesai tanah kurang lebih dalam 2 ha (5 acres). Apin lama udah nya, sida iya menyenak meli tanah berimbai enggau sida iya alu palan tuk betambah sekali ganda. Jelu serta burung ditupi ba palan tuk pan betambah mayoh mega. Berapa taun udah nya, dalam bulan May 2003, palan tuk ngerampit ngagai Whiteman Park, serta sekali agi betambah sekali ganda.

Palan tuk bisi nupi jelu dalam urung 200 bansa serta lebih ari 2000 iku mayoh macham jelu babas, burung serta reptilia. Semua reban tau ke kandang jelu uleh di tiki tau ke diabas. Palan tuk siti ari pemansang ba menoa Western Australia, narit temuai ari serata menoa.

Palan tuk mega besi ngebuan status program beranak ke jelu siga ti dikemendar ari Zoo Australia. Palan tuk mega selalu betukar jelu tau ke burung enggau palan serta zoo bukai kena nambah koleksi serta bagi tuju beranak ke jelu siga. Palan tuk empu bisi nupi serta beranak ke wombat, tasmanian deviles, koalas, grass owl serta cassowaries. Tuk meh siti ari pengawa ti mujur bagi palan ke di empu sesiku orang nambah populasi jelu awak ke enda punas.

Temuai ngagai palan tuk deka disadong penemu ari bala profesioanal jelu babas awak ke temuai boleh jerita pendiau jelu siga. Temuai mega bisi diberi awak serta peluang begulai tau ke begambar enggau jelu siga.

Dagang diri sebilik ke ngurus kediri empu tuk nadai nerima sebarang bantu tau ke tulung ari perintah. Nyadi sida tuk buleh tulong enggau sukung ari bala mayoh kelebih agi ari temuai ti datai nemuai kitu.