Pengingat Lama ari Warrant Officer (WO II) Tom anak Dap - Cherita I

Pengawa sedadu tuk ukai semina beperang ngalaban munsuh tau ka diau ba kem nyaga penglikun menua. Mayuh macam pengawa bisi ba pengidup sedadu. Kelimpah ari enggau operasi ba babas, bala sedadu mega bisi dianjung kursus awak ka sida iya bulih penemu ti ulih ngerja mayuh macham pengawa. Enteri kali tuk, admin deka bekungsi ke gambar aktiviti sedadu maya lepa ba menua London serta dokumen ka bisi besangkut enggau pengawa nemuai ngagai London.

Surat pemendar bejalai ngagai United Kingdom enggau menua ka dipansa maya mangsang enggau pulai ti dikeluar ulih Passport Offiice Penang kena 25 Januari 1964. Ba senentang remarks dia kitai ulih merati ka utai ke ditulis nya baka tuk:

Holder ia a Sea Dayak born in Sarawak. He is a British Subject, Citizen of United Kingdom and Colonies ordinarily resident in Sarawak, and therefore a Citizen of Malaysia.

Meleka ari British Royal Air Force Base Changi,  Singapor, bilun sedadu langit British ka ditepan bisi ngetu ngisi minyak ba tiga bengkah menua iya nya baka tuk:

1. Royal Air Force Station Gan, pulau ba menua Maldives enda jauh ari India.

2. Royal Air Foce Aden, Yeman.

3. Royal Air Foce El Aden, Egypt.

Gambar di atas melakang ka bangunan ngimbai Royal Air Force (RAF) Aden. RAF Aden ditumbuh urung tahun 1917 kena British ngerembai ka kuasa serta ngering ka adat enggau perintah ba menua Semenanjung Arab. Padang bilun tu suba balat bendar carut kelebih agi urung tahun 60an lalu ngujung ke perintah British narit diri ari menua nya lalu nutup terus pengkalan British tuk kena 29 November 1967. Diatu, RAF Aden udah nyadi Padang Bilun Antarabangsa kedua besai di menua Yamen.

Pelatih ke sepiak kanan ba gambar di atas iya nya Charles, bekelala dalam bilun. Charles tuk rayat Singapor nyadi pelatih pilot British Royal Airfoce deka belajar ba menua England.

Kursus ka dipelajar ba menua England iya nya:

1. Cara beperang nuclear, biological serta chemical ba Defence Nuclear, Biological and Chemical (NBC) School, Winterbourne Gunner beserimbai enggau muncul cara perang baru dikumbai biological warfare.

2. Belajar cara ngajar pelatih ba Method of Instruction Center, Infantry Shoool di Warminster.

Datai ba padang bilun di England, bala pelatih diambi ulih kereta sedadu ari pengkalan Winterbourne Gunner ngagai kem endur alai kursus ka terubah iya.

Maya ka nganti surat pemendar ngenatai ka diri ba  palan Method of Instruction Center, Infantry Shoool di Warminster, bala pelatih diatur begempuru serta diau ba The Union Jack Club, London sa minggu. Rumah kelab tuk endang diungkup ngagai bala sedadu tau ka ex sedadu ti nyadi sedadu British. Maya diau ditu, bala pelatih tadi bisi ngambi peluang raun bejalai meda menua London.

Maya tamat kursus serta deka mulai ka diri, bala pelatih mega diatur diau ditu sa minggu nganti hari pulai ke menua asal. Peluang tuk mega, bisi dikena bala pelatih raun sekali agi meda gaya rampa menua ribai.

Baruh tuk dirintai gambar iya ke diambi ulih niang Warrant Officer (WO II) David anak Jaun iya ka megai pengawa kerani besai dalam Sarawak Rangers British Army.

 Begambar melakang ka Buckingham Palace endur pendiau Queen Elizebeth II.

 Buckingham Palace peda ari sukut bukai.

War Memorial London

 Westminster Bridge nuju ngagai House of Parliament.

Ngermelakang ka House of Parliament tau ka Palace of Westminster.

Queen Victoria Memorial bepalan ba mua Buckingham Palace.

Shell Building London.

Surat perintah ari Lt-Col. M. A. Ormsby, Commandant The Army Method of Instruction Center madah ka endor alai diau maya kursus ba Infantry Shoool di Warminster.



Begamabar ba Method of Instruction Center, Infantry Shoool di Warminster urung bulan Mac 1964.