Gunung Tangkuban Perahu sigi ari gunung ba provinsi Jawa Barat, Indonesia kurang lebih 20 km ari arah utara Pasar Besai Bandung, kayu pun pinus enggau ladang kebun teh ulih dipeda tumbuh ngelingi gunung tuk. Peninggi gunung tuk datai ngagai 2,084 meter tau ka 6, 837 kaki ari tikas purata tasik.
Gunung tuk dikumbai orang gunung berapi tau ke stratovulcano, enda entu aktif nya kebuah bisi asap dipeda pansut. Asap tuk iya ke amatnya wap belerang.
Nitih ke tusi urang, Gunung Tangkuban Perahu tuk be pun ari urang ke nama Sangkuring ti tekait hati ngagai indai iya empu, Dayang Sumbi. Laban ke mali, nyadi Dayang Sumbi tuk meri adat ngasoh Sangkuring ngaga perahu semalam aja. Laban ke enda ulih tembu perahu nya tadi, nya alai Sangkuring lalu ringat alu nyipak perahunya tadi. Perahu tuk pan tetungkup lalu nyadi Gunung Tangkuban Perahu ia ke dipandang ba ditu.
Menua tuk, laban ke tinggi nyadi angin ditu berasai chelap datai ngagai 17ºC lebuh siang hari. Malam ari tau manggai ngagai 12ºC.
Ba palan tuk mega bisi kedai nyual souvenir ngagai temuai baka ke dipandang ba gambar atas. Admin rindu meli souvenir ditu kelebih agi model gitar laban murah banding enggau endur bukai. Ditu model gitar kurang lebih 8 inci pemesai dijual 6 igi Rp100,000 enti pandai betawar. Enti dalam duit kitai kurang lebih RM50.00. Ertinya RM8.00 sigi.
Admin udah bisi 3 kali nemuai kitu. Iya ke penudi sekali nemuai kitu kena 8 April 2010. Admin rindu kitu laban gaya menua ti nyelai, chelap serta manah dipeda mata.
No comments:
Post a Comment