Pengingat Lama ari Warrant Officer (WO II) Tom anak Dap - Cherita 3

Gawai Kenyalang

Urung tahun 1974, Batalion Ke-Satu Ragimen Renjer bisi ngatur pengawa begawai besai iya nya dikumbai Gawai Kenyalang. Gawai ti bepalan ba Kem Suvla Line, Ipoh, Perak tu berupai bendar rami ketegal tu meh pengawa begawai ke terubah iya diatur ba Semenanjong Malaysia, pengudah pemulai ke diri ari nembu pengawa di menua Sarawak. Tahun 1974 mega, tahun ke sepuluh Bataloin Ke-Satu Regimen Renjer tu ditumbuhke. Pengawa gawai tu diatur dalam kandang 4 hari 4 malam iya nya berenghkah hari Empat 30 Mei 1974 ngagai hari Minggu 2 Jun 1974.

Beserimbai enggau pengawa tu, magazine pengingat penatai 1 Renjer disereta ke sekali enggau gambar bala sedadu sereta rintai pengawa Gawai Kenyalang bisi dichelak kena ngenang pengawa ke deka nyadi tu.

Lembar 1



Ba  lembar 1 bisi ngayan ke tusun renggat iya ke bisi ba magazine tu baka ke dipandang ba atas. Dalam magazine tu mega bisi ngayan ke pengelandik bala raban 1 Renjar ngarang pantun, jako ansah, entelah, jako sempama Iban sereta mayuh macham utai agi baka ke dirintai ba baruh tu.



Lembar 17 - Jako Ansah/Jako Kenang ulih WO II Billy Panyau

 

Lembar 17 sereta lembar 18 - Entelah ulih WO II Billy Panyau



Lembar 19 - Pantun Sayau Tang Ati Rawan ulih Cpl. Matu Engkamat

Lembar 21 - Jako Sempama Iban ulih S/Sgt. Nasir Gapor

Gawai Kenyalang ti disambut tu kena nanda serta nampong pemendar bala sedadu 1 Renjer ti udah bendar ngenan menua Malaysia serta enggau pemerani sida iya munas ke munsoh dalam menua Malaysia. Nyadi pengawa tu endang patut dikereja ke urang ti landik sereta nemu pengawa nimang Kenyalang. Nya kebuah orang ke benama Kanda anak Balai ari menua Mererai, Kapit, urang ke endang sigi landik ngereja pengawa tu, bisi dikangau kena nimang Kenyalang. Pia mega bini iya benama Tamuk anak Gaying bisi mega dibai sekali kena nyediake piring gawai tu.

Nyadi, rintai atur pengawa Gawai Kenyalang tu bisi udah diatur ba lembar 30 sereta 31 ba magazine tu baka ke dipandang ba baruh tu:

Pengawa hari ka satu iyanya kena hari Empat 30 Mei 1974 baka tu:

Pengawa hari ka dua kena hari Lima 31 Mei 1974 baka tu:

Pengawa hari ka tiga kena hari Enam 1 Jun1974 baka tu:

Kelimpah pengawa Gawai Kenyalang, pengerami bukai bisi mega dibantaika ba hari ke dudi sekali iya nya hari ka empat ti kena hari Minggu 2 Jun 1974. Rintai pengawa saharinya iya nya ria tadika, makai/ngirup, main silap mata, bermain sereta GAWAI PARTY baka ke di baruh tu:

Rumah panjai mega bisi digaga bala sedadu 1 Renjer ba dalam Kem Suvla Line, Ipoh, Perak. Rumah panjai tu endang sigi digaga kena nyambut pengerami serta ngintu pengawa Gawai Kenyalang. Nyadi rumah panjai tu bisi 5 pintu, tiap-tiap pintu diempu ulih A Coy, B Coy, C Coy, D Coy sereta HQ Coy.

Gambar ke dipandang ba baruh tu diambi ba ruai rumah panjai maya ngintu pengarami Gawai Kenyalang.

Ba gambar tu ngayan ke WO II Tom anak Dap enggau sida sebilik nunga tiga iku kenyalang sereta enggau piring ba rumah panjai maya nyambut pengerami Gawai Kenyalang.



Begambar ba ruai rumah panjai Gawai Kenyalang.





Begambar begulai enggau pengabang luar bansa China menua Perak serta tiga iku anak iya (2 iku bediri ari kiba serta siku diberap iya).



Nota kaki:

Magazine tu tadi bisi disimpan Warrant Officer (WO II) Tom anak Dap, ex 1 renjer,  ti nerima bup nya maya gawai tu dipejadike kena hari Empat 30 Mei 1974 ngagai hari Minggu 2 Jun 1974. - Admin