Antara bup keterubah dichelak dalam jaku iban iya nya bup ti dikumbai “Tangga Serga”. Bup tuk dichelak urung tahun 1936, becherita pasal orang ke tuchi ti dikenang kitai orang Kristian dalam jaku iban. Bup tuk dikeluar ulih London Society for Promoting Christian Knowledge (SPCK) bepalan ba Northumberland Avenue, W.C. 2 serta dichelak ba Great Britain ulih Billing and Son Ltd, Guildford and Esher.
SPCK antara mission ka tebilang enggau pengawa ngerambai ke pangarap Kristian Anglika. Jam ke diatu, SPCK dikelala orang mayoh dalam ngeluar ka bup pengarap kristian.
Kulit bup tuk ngayan ke mensia benong niki tangga deka ngulih makota ti perencing ba langit awak ke bulih idup meruan. Ba baruh sepiak kanan lembar tuk, kitai bisi meda nama PEACOCK, dipelaba admin orang ke nglukis kulit tuk.
Ba lembar 1 bup tuk, kitai ulih meda tulis tangan ke munyi tuk:
Pau
St. Luke's School
Simanggang
No. 484
Pia mega bisi ditulis rega bup tuk iya nya 50 cts.
Ba lembar 2, kitai bisi meda bup tuk dichelak terubah iya urung tahun 1936 ba Great Britain.
Ba lembar 5 bup tuk, ngayan ke isi enggau renggat bup tuk.
Jam ke diatu, bup tuk dikembuan Chief Inspektor George Pau anak Sampai, ex polis, ti nerima bup tuk maya iya belajar ba sekula St. Luke Simanggang. Bup tuk sigi ari mata pelajar ti dipelajar anak biak primary 2 ba sekula St. Luke Simanggang urung tahun 1950an.
No comments:
Post a Comment