Pengingat Lama ari Warrant Officer (WO II) Tom anak Dap - Cherita 25

Para 7 Appendix A No. S 65 The Sarawak Rangers Ordinance, 1960

Leave

Members will be entitled to 30 days' leave in Sarawak in respect of each completed year's service with the British Army or two and half days' leave for each completed month of such service. During such leave, ration allowence will be paid in lieu of ration in kind.

Enti nitih ke atur ti ditulis ba The Sarawak Rangers Ordinance, 1960 baka ke dipandang ba atas, soldadu Sarawak Rangers dikemendarka kemisi pengalama 30 hari dalam setahun. Maya ngambi kemisi tu, raban soldadu Sarawak Rangers diberi elaun dalam mata duit kena nganti ration ti disedia ngagai soldadu ti diau ba kem.

HQ Movement Centre Fort Canning Singapore, sebengkah palan ti ngatur pengawa mindah kin kitu bekenaka kapal ngagai menua bukai baka menua Hong Kong, United Kingdom enggau sekeda menua bukai agi. Palan tu mega bisi ngatur pemindah raban soldadu Sarawak Rangers lebuh kemisi pulai ke Sarawak bekena ke perengka pengangkut baka kapal dagang.

Selamat Hari Pengada Aeisha

Sebulan nandan di langit, setahun nampun dibukit. Sari tu genap anak admin ke tuai nyambut hari pengada ke 12 tahun. Enda berasai anak udah angkat dara.

D Wan Sekon Teodolit

Nama kebuah d wan sekon teodolit?

Wild T2 didirika ba tripod. Ba baruhnya kelai sempadan
 entara menua digaga ari konkrit.

D wan sekon teodolit tu asal ari jaku ribai iya nya the one second theodolite ti mai reti teodolit ti ngembuan sukut ngagai satu saat.

Hotel Purnama Limbang

Hotel Purnama ti bepalan ba pasar Limbang sekeda ari hotel ti bisi meri servis ngagai temuai enti deka bemalam lebuh nemuai ke menua Limbang. Hotel tu bepalan ba Jalai Buangsiol ba tengah Pasar Limbang berimbai enggau Limbang Plaza. Hotel tu tau di kategori ba dalam kelas tiga bintang. Admin suah bemalam ba hotel tu lebuh nemuai ke Limbang.

Begambar ba waterfront Limbang ngemelakangka Hotel Purnama Limbang

Padang Bilun Limbang

Admin suah bejalai ke Limbang, tang nadai kala nepan bilun lebuh nemuai kia. Tu meh terubah iya betepan ke bilun lebuh nemuai ke Limbang apin lama tu tadi. Kena 5 Mac 2012, opis admin bisi ngadu pengawa baum ba Limbang.

Pengingat Lama ari Warrant Officer (WO II) Tom anak Dap - Cherita 26

RASC WING F.E.T.C.

Royal Army Supply Corp Wing, Far East Training Centre tauka RASC Wing F.E.T.C. bepalan ba Nee Soon Barrack, Mandai Road, Singapore. Palan tu suba suah ngatur pengawa ngelatih bala soldadu kelebih agi soldadu ti dipegai sereta dikuasa ulih perintah British baka raban soldadu Sarawak Rangers. Mayuh macham kursus bisi di atur ba palan tu maya nya baka kursus Motor Transport, Clerk, Fire Duties, First Aid Instructor, CQMS Duties, Wireless Operator (Signaler), Cook sereta mayuh macham agi.

Reporting Centre tau ka palan alai pelatih ngelapor sereta nyerah dokumen.

Terubah aku datai ba barrack tu iya nya bulan lapan tahun 1959 maya baru nyadi soldadu (peda Cherita 9). Barracks tu suah endur alai soldadu transit tau ka bemalam enda lama lebuh deka mindah ke bukai.

Operasi Ukur - Cherita I

Admin berasai gaga laban dipilih nyadi sekeda ari raban tim ukur ke nyukat antara menua kitai enggau menua ti dipegai perintah Indonesia. Terubah enggau opearasi ukur tu iya nya  urung tahun 1993. Maya nya tim kami dipinta nyukat antara menua ba Raan Makang. Menua tu enda jauh ari Bareo iya nya empat jam bejalai kaki. Raan tu iya nya jaku Murut ti enda salah aku meri reti sebengkah ari gaya tinteng bukit ke bisi alur ke melah tinteng nya lalu nyadi jalai ti ulih ditengah mensia. Raan Makang tu sekeda ari jalai ke ulih ditengah ba kampung jerung ti meraka tinteng bukit ke nyadi antara menua kitai enggau menua ke dipegai perintah Indonesia.

Maya ngerja pengawa nyukat tu, palan ti nyadi markas tau ka base camp ti nyadi pusat operasi dipejadika enda jauh ari antara menua tau ka endur gawa ngambika awak ti diambi nurun gawa enda tebasau. Ba palan tu ngebuan opis, khemah pegawai, khemah pekerja, setor, dapur, pendai, agu, court takraw sereta mayuh macham utai agi.

Selamat Tahun Baru 2012

Pejam enchelak, pejam enchelak. Enda berasai minggu tu nyau masuk minggu kedua ba tahun 2012. Engka bedau entu laun ga asai aku deka meri selamat tahun baru ngagai kita semua. Maya nyambut tahun baru tu tadi bala kami bisi begelumu ba rumah pangan ba jalai Urat Mata. Mayuh meh bala kaban datai sama sama ngerami pengawa tu. Sekeda ari gambar baka ke dipandang ba baruh tu.

Pengingat Lama ari Warrant Officer (WO II) Tom anak Dap - Cherita 25

Tampung ari Cherita 24

Datai ba Pasar Sibu, aku enggau dua iku pegawai ari raban bansa Ribai iyanya Tuan OC Major D.L. Bruce Merrie, MC (Officer Comanding Sarawak Rangers) enggau Capt. Mike Bolton diau bemalam ba goverment rest house beantika kapal ke bisi bekejang ke Singapore.

Sekumbang diau ba Pasar Sibu, aku nadai kala berasai sunyi laban bisi kaban ari Rumah Panjai Samu Paku Saribas iyanya Matthew Sumbang ti gawa ba Pos & Telegraph (P&T)Sibu ti selalu begulai enggau aku nyiting malam berandau ngelantangka ati. Lebuh maya nya, palan ke bisi merindag ati ti dikerinduka urang bujang mina night club aja. Dia meh bala berandau enggau pangan diri ngirup ai bir sambil ninga lagu ari penanyi ke bisi merindang bala temuai ke datai. Mayuh macham lagu bisi disada bala penanyi lebuh maya nya. Tang ketebal agi mayuh lagu ari raban bansa China tauka Mendarin. Kelimpah ari ninga sada lagu ari penanyi, mayuh macham lagu mega ulih didinga ari jukebox. Jukebox tu iyanya sebengkah perengka bebayar ke ulih mainka lagu ke udah dipilih pengudah duit sen ditepuk ngagai mesin nya. Tebilang ba tahun 60an.

Pengingat Lama ari Warrant Officer (WO II) Tom anak Dap - Cherita 24

Tuan OC Major D.L Bruce Merrie, MC ukai semina rinduka soldadu Iban Sarawak Rangers tauka nyaga penglikun sereta pendiau sida iya enggau bini anak sida iya, iya mega rinduka main asal enggau adat raban bansa kitai Iban. Bulan April 1961, udah pengawa bepilihka soldadu tembu diatur, aku bisi dibai begulai enggau iya sereta siku agi pegawai soldadu Ribai iyanya Capt. M. Bolton bejalai ngusung rumah-rumah panjai kitai Iban ba Bagi Kedua enggau Bagi Ketiga, Sarawak. 

Sebedau berengkah mupuk bejalai, dia kami dibai Sgt. Ningkan anak Kasau ngagai rumah panjai iya di Pudai. (Diatu menuanya udah nadai agi, ampuh gasak ke tekat Batang Ai). Pemanah adat bansa kitai, ukai semina enggau bala ke beserimbai pendiau, kitai mega bebasa amat ngagai temuai. Dia kami disambut bala Iban Rumah Panjai Pudai enggau piring lalu bedara labanka rindu meda penatai bala kami, kelebih agi bala kaban ari raban bansa  Ribai.