Gambar ba baruh tu diambi ari Baird Camp Ulu Tiram nunga ngagai Kenya Camp Ulu Tiram diambi urung tahun 1961. Kenya Camp tu bisi kala diuan serdadu ari Batalion Gurkha, 40 Commando Royal Marines sereta Royal British Forester.
Ba gambar tu, ba sukut baruh sekali bisi ngayanka atap rumah dikumbai kami iya nya Nissan Hut. Nissan Hut tu iya nya rumah ke digaga ari zink (corrugated iron sheet). Tuju Nissan Hut digaga iya nya ulih dijadika dewan mayuh macham guna. Maya gambar tu diambi, dewan nya dijadika endur bala serdadu bemain badminton sereta indoor game bukai. Nissan Hut tu mega ulih dibuka lalu dipasang ba endur bukai. Retinya rumah tu tau dikumbai rumah pasang siap.
Padang bul tauka rugby ke bisi dipeda nya bepalan ba antara Baird Camp enggau Kenya Camp. Padang tu kala endur alai kami bebaris besai tau ka Kawad Besai DiRaja maya Sarawak Rangers (Far East Land Forces) baru ditumbuhka (peda Cherita 13).
Enda jauh ari nya, ba sukut seberai padang sepiak kiba, iya nya Garisson Work Office tau ka opis endur alai serdadu ngaduka pengawa sereta nyaga kem baka nyedia ai paip, ngaduka arus karan api, ngadu tau ke nyeruri rumah sereta berek serdadu. Tau dikumbai Public Work Department serdadu meh tu.
No comments:
Post a Comment