Hari Ke Penudi 16 September 2011 Jam 0700 Waktu Jawa Timur
Sebedau mupuk, bil bilik hotel dibayar ba kuanter.Bilik hotel lumor 226 bekunsi tubuh dua enggau rega Rp 240 000 bisi desediaka ngirup pagi ungkup dua iku.
Ba gambar atas ngayan ke kuanter hotel ke bisi lambang V3. V3 tu datai ari jaku Veni Vidi Vici iyanya jaku Latin ti meri reti iyanya aku datai, aku meda, aku ngempu.
Bas ke udah disemaya datai tumu pagi ti nganjung kami ke padang penerbai bilun endang sigi udah nganti ba mua hotel. Bas besai endang sigi enda ulih tama ngagai hotel tu laban bisi palang besi dikena nyekat perengka pengangkut ke besai. Nya kebuah bas mit baka ke dipandang ba baruh tu dikena mai bala kami.
Model bas mini tu ari Mercedes endang amat manah dipeda. Tu meh terubah iya ngena bas mini ari model Mercedes bansa ke lama tau ke vintage.
Begambar ba mua bas mini.
Gamal bas mini dipeda ari luar.
Nguji nyadi driber dulu.
Pendiau dalam bas mini.
Sebedau kami nerus ke pejalai ke padang penerbai bilun, kami ngetu dulu ba stesen minyak Pertamina laban deka meli minyak dulu.
Rega minyak petrol ditu endang sigi murah enda baka menua kitai. Rega minyak ditu baka ke dipadang ba gambar dibaruh tu.
Udah meli minyak kami pan nerus ke pejalai kami ke padang penerbai bilin Juanda nengah highway.
Ditu mega bisi pasar raya Giant baka kitai di Kuching mega.
Maya kitai ba menua luar, duit ke bisi ba kitai anang dibelanja abis. Baka ba menua Indonesia tu, duit Rp 150 000 mesti digalau kena mayar cukai bilun. Gambar dibaruh tu ngayan ke resit cukai bilun padang penerbai antarabangsa Juanda.
Kami berengkat mupuk ari Surabaya kena jam 11.25 pagi ngena bilun AirAsia lumor bilun iyanya QZ 7613. Gambar dibaruh tu ngayanka menua Surabaya dipeda ari langit.
Mupuk dulu kami. Ela bisi baru nurun ke menua Indonesia enggau delegasi Malaysia baum ke garis antara menua.
No comments:
Post a Comment