Bekejang ke Surabaya
Hari Ke Lima Jam 1100 Waktu Jawa Jimur
Enggai ke enda sempat nurun ari Kota Batu ke padang penerbai bilun Juanda ti bisi ngambi awak meniga jam bedau nyengkaum macet, nya kebuah kami nurun tumu ke Surabaya sahari sebedau penerbai pulai ke menua asal ti ngena bilun AirAsia. Kurang lebih jam 1100 pagi kami pan bekijang nurung ke Surabaya pasar ke dua besai ba menua Indonesia pengudah Jakarta. Jam kurang lebih jam 4.00 lemai waktu Jawa Timur kami pan datai ba Surabaya.
Surabaya tebilang enggau bujang berani ti balat bendar ngelaban perintah Dutch kelia. Rayat Indonesia maya nya beperang enggau Dutch deka ngulih ke merdeka ari dipegai perintah Dutch.
Gambar atas enggau dua iti gambar dibaruh tu mandangka tugu perang Indonesia ba menua Surabaya.
Hotel endur kami bemalam iya nya Hotel V3 ti bepalan ba tisi pasar besai Surbaya. Menua endur alai hotel tu ketebal agi diuan bansa Cina tang sida ke rebak baru nadai nemu jako Cina. Hotel kami tu pan bisi gaya design rumah asal bansa Cina.
Berasai ga tubuh lebuh datai ba Surabaya laban enda chelap enti dibanding enggau Kota Batu. Surabaya tu bepalan ba tebing adap ke utara ba nanga Batang Mas Jawa Timur ngimbai tasik Selat Madura.
Tu meh gaya gamal dipeda penama Hotel.
Entah baka ni sida urus setia ngatur hotel tu. Hotel tu tusah digagai laban nadai ulih dipansa perengka pengankut ke besai baka bas. Ari jalai besai lebih kurang 200 meter bejalai kaki mansa rumah kedai baru kitai datai ba penama hotel. Perengka pengangkut mit dikena hotel ngemai beg kami ari bas ngagai hotel.
Lobi hotel.
Lobi hotel tu digaga baka ba taman ba menua China.
Kali tu bilik endur admin diau bisi disediaka aircond enda baka hotel ba Kota Batu. Bilik admin bekunsi tubuh dua enggau rega semalam Rp 275 000 tau ka RM 90.00.
Palan penindu admin ba sepiak kanan.
Gambar bilik penindu dipeda ari sukut bukai.
Gambar bili mandi.
Lalu bedau ngetu ngaga penyenggaraan setor, kami dibai puasa, perut begirau ngigai pepejal ti ulih dikena buah lemba awak ke enda carut. Nasit ba hotel tu bisi restoran. Pengudah ngengkah beg ba bilik kami pan lalu nuju restoran ngiga utai ke ulih dipakai.
Admin makai nasi goreng enggau sup sayur udahnya ai bintang ngambi perut chelap enda carut.
Sebedau makai, ngambi gambar awak ke bisi dikingat.
Gambar admin diambi ari sukut bukai ngayan ke bintang ba atas mija.
Deka bejalai ke pasar Surabaya tang kelalu laun. Kami sebuat mina bejalai meda utai ke nadai semak hotel aja. Endang nadai utai ulih dipeda.
Begambar ba mua hotel.
Gambar penama hotel dipeda malam hari.
No comments:
Post a Comment