Trip ke Kota Batu, Jawa Timur, Indonesia - Tusun 4

Tampung ari Tusun 3

Hari ke dua 13 September 2011 jam 7.00 pagi Jawa Timur

Aum Besai sereta Pengawa Udah Nya

Hari kedua, berengkah aum besai jam 8.30 pagi jam Jawa Timur. Aum kami tu iya nya aum ngatur ke pengawa ke udah dikereja ba antara menua kitai enggau menua pegai Indonesia ba Pulau Borneo dalam tahun 2010 sereta 2011.

Sebedau nurun, sempat ga beambi gambar ba penama bilik hotel baka ke dipandang ba baruh tu. Manah amai gamal menua tu maya baru tawas.

Bilik tindu kami iya nya sepiak kiba admin ba gambar atas.

Benung naip minit....

Aum kami tembu kira jam pukul 3.00 lemai. Lemainya bala kimi tu tadi pansut deka ngiga kad telefon.Telefon aku empu udah diset roaming. Mina nguluke sida iya begigake kad telefon. Sempat mega nyenap gambar ba penama hotel tu.

 Gaya menua diambi ari penama hotel.

Begambar ngemelakangke penama hotel.

Gambar ba baruh tu ngayan ke tanda kilometer ke dikena perintah Indonesia kena ngelai ke penyauh siti-siti menua ari pelan endur alai kitai ke diatu. ML nya jaku pandak  ari nama menua Malang. Lumor 20 nya penyauh menua nya iyanya 20 km. BT nya Batu. Nyadi penyauh pasar Batu tu iyanya 2 km aja.

Admin mega kala begambar berimbai enggau tanda km ba menua Brunei.

Maya bejalai begiga ke kad telefon tetemu ke Warung Telkom. Warung Telkom tu baka langkau telefon tang langkau tu dikena urang betelefon ngagai menua jauh.

Maya tama ke kedainya tetemu ke bintang. Admin lalu meli bintang setin laban deka nyepi bintang. Lama udah enda ngasai ai bintang. Rega ai tu Rp 15 000 (RM 5.00). Ba gambar ba baruh tu, bisi ngayan ke Warung Telkom tau ke WarTel ba belakang admin. Admin mayanya tengah bebayar ke ai bintang.

Udah ngabis ke ai bintang, kami pan nerus ke pejalai kami nitih ke tuju asal pejalai kami tu tadi iyanya deka meli kad telefon. Tang sebedaunya sempat mega ngambi gambar siti lurong ke mandangke gaya pendiau rumah urang ke diau ba menua Batu tu.

Enda jauh arinya, barulah kami tu tadi tetemu ke kedai ke bisi nyual kad telefong. Gaga meh tudah pangan laban ulih betalipaun ngagai urang rumah. Ba kedai tu bisi nyual kad simPati sereta Flexi.

Pengudah sesi betanya saut bakani deka ngena kad tu ngagai urang ke nyualnya, kami pan lalu mulai ke diri ngagai palan endur alai diau. Enda ulih bejalai jauh agi leban bisi dinner malam tu. Sempat mega ngambi gambar simpang jalai ngagai hotel kami baka ke ba baruh tu.