Tampung ari Tusun 7
Hari ke tiga 14 September 2011 jam 12.00 tengahari Ladang Epel
Sebedau kami nurun ke menua Batu, Malang, Jawa Timur tu, admin bisi becherita ngagai pangan ke sama enggau delegasi Malaysia madah ke menua ke gagai kitai tu chelap sereta terbilang enggau ladang epel. Pangan admin nya nadai arap sekali utai ke dicherita admin. Admin enda ga ngansah endar ngasuh iya pecaya laban gaya admin becherita baka ke betundi.
'Ni bisi ladang epel ba menua Indon. Epel mina ulih tanam ba menua ke bisi empat musim' kuk iya.
Aku mina rerising aja.
Maya ba hotel, bisi ga sekali admin madah ke lawatan bisi di atur tuai rumah Indonesia ngagai ladang epel. Admin enda nemu iya arap ke enda maya nya.
Maya kami dibai ngagai ladang epel, baru iya arap utai ke ditusui admin. Kuk iya 'Aku ngumbai nuan betundi tadi madah ke bisi ladang epel ba menua tu laban gaya nuan becherita baka ke betundi. Tang diatu baru aku arap utai ke dipadah nuan nya endang amat' .
Ladang epel ke digagai kami nya iya nya Ladang Epel Tulungrejo ba Jalai Diponegoro Tulungrejo. Bayar masuk Rp 32 000 tau ke RM 11.00. Ba ladang epel tu kitai ulih ngambi epel lalu tau dipakai ba ladang nya. Barang penyampau meh ke deka diempa kitai.
Epel ke bechura kuning lebih manis banding enggau epal chura mansau enggau gadung.
Rega epel tu enti kitai mai pulai iya nya dijual Rp 15 000 tau ke RM 5.00 sekilo.
Epel tu mega ulih kena ngaga mayuh macham pemakai baka jem epel sereta jus epel. Kami mega diberi jus epel maya kami bejalai meda ladang epel tu. Complementary.
No comments:
Post a Comment