The Sarawak Rangers Ordinance, 1960
Sarawak Rangers ditumboh ngena atur ti dipansut ari Sarawak Chief Secretary ti nitih ke perintah ari Gabenor Sarawak. Atur tu bisi ditulis ba Notis Lumor S 65 The Sarawak Rangers Ordinance, 1960, The Sarawak Rangers (Far East Land Forces) Unit Regulations, 1960 (Made under section 24) ke dipansut ba Kuching kena hari Lima, 25 Mac 1960.
Ba lambar 139 Appendix A ba para 5 bisi madahka serdadu Sarawak Rangers (Far East Land Forces) ulih dianjung ngagai sebarang endur alai ba dunya.
Ba para 6 madah ke penyamppau gaji ke diterima nyinting bulan. Aku maya nya nangung pangkat Private 1 Star enggau gaji sebulan $ 63.60, elaun sara hidup & 6.60, elaun nikah $ 31.00. Penyampau semua ke diterima iya nya $ 101.20 sebedau di tulak $ 30.00. Reti nya, penyampau ke diterima nyinting bulan iyanya $ 71.20.
Elaun nikah tu endang diberi ngagai semua serdadu taja pan iya apin kahwin. Tang sekeda elaun tu diputong lalu enda tau enda diuntuk ke bini ngagai urang ke udah bebibni tau ke ngagai apai indai bagi urang ke bedau bebini.
Ba lambar 140 bisi nyebut utai ke disedia bagi rations, perengka sereta gari uniform enggau kemudahan bukai. Retinya pemakai enggau gari ke dikena tau enda ibuh dibeli. Gaji ke diterima endang gaji bersi.
Gari uniform Sarawak Rangers maya nya baka ke gambar ke dipandang ba baruh tu.
Formation Sign ba lengan baju ngena tanda serdadu Gurkha iyanya kukri. Kukri tu iya nya lungga pandak Gurkha ke pemadu tajam tau ke dalam jako ribai iyanya sharp curved Gurkha knife. Kukri tu endang senjata bansa gurkha ke pemadu tebilang baka kitai iban ke tebilang enggau ilang.
Tanda Bau (Shulder Title) betulis ke nama menoa Sarawak. Ba baruh Tanda Bau tu iyanya endur engkah ke pangkat. Maya gambar nya diambi iya nya tahun 1961 aku nanggung pangkat Koperal.
Riben GSM (General Srvice Medal) Queen Elizebeth II dilekat muak ari dada kiba. (Peda Cherita 8).
Berret (tanggui) ke di kena kami bechura PD Green tau ke gadong. Tanda Cap badge ba berret iyanya duku ilang besilang enggau keris dikelingi enggau tanggkai padi ti nyatup mahkota Sarawak ba atas sereta nyatup nama Sarawak Rangers ba baruh beselap enggau kain bechura chelum, kuning sereta mirah.
Jako perangsang endang mengkang ngena jako peransang Sarawak Rangers kelia iya nya AGI HIDUP AGI NGELABAN asal ari jako ribai iyanya WHILST THERE'S LIFE THERE'S FIGHT.
Tanda menira Sarawak Rengers ngena tanda menoa Sarawak iyanya mirah, kuning enggau chelum baka ke dipandang ba baruh tu.
Ba tengah bendera bisi ngayanke badge Sarawak Rangers ke tebilang kenyau ari perintah Rajah Putih kelia.
Formation Sign ba lengan baju ngena tanda serdadu Gurkha iyanya kukri. Kukri tu iya nya lungga pandak Gurkha ke pemadu tajam tau ke dalam jako ribai iyanya sharp curved Gurkha knife. Kukri tu endang senjata bansa gurkha ke pemadu tebilang baka kitai iban ke tebilang enggau ilang.
Tanda Bau (Shulder Title) betulis ke nama menoa Sarawak. Ba baruh Tanda Bau tu iyanya endur engkah ke pangkat. Maya gambar nya diambi iya nya tahun 1961 aku nanggung pangkat Koperal.
Riben GSM (General Srvice Medal) Queen Elizebeth II dilekat muak ari dada kiba. (Peda Cherita 8).
Berret (tanggui) ke di kena kami bechura PD Green tau ke gadong. Tanda Cap badge ba berret iyanya duku ilang besilang enggau keris dikelingi enggau tanggkai padi ti nyatup mahkota Sarawak ba atas sereta nyatup nama Sarawak Rangers ba baruh beselap enggau kain bechura chelum, kuning sereta mirah.
Jako perangsang endang mengkang ngena jako peransang Sarawak Rangers kelia iya nya AGI HIDUP AGI NGELABAN asal ari jako ribai iyanya WHILST THERE'S LIFE THERE'S FIGHT.
Tanda menira Sarawak Rengers ngena tanda menoa Sarawak iyanya mirah, kuning enggau chelum baka ke dipandang ba baruh tu.
Ba tengah bendera bisi ngayanke badge Sarawak Rangers ke tebilang kenyau ari perintah Rajah Putih kelia.
No comments:
Post a Comment