Trip ke Kota Batu, Jawa Timur, Indonesia - Tusun 3

Tampung ari Tusun 2

Hari ke terubah 12 September 2011 jam 1.00 lemai

Warong Pak Haji Sholeh

Jam  nunjuk ke pukul 1.00 waktu Jawa Timur. Setor udah bebunyi. Kami pan ngetu ba warong Pak Haji Sholeh. Ngetu merarau tau ke ngisi setor tau ke istilah ke selalu dikena kami iya nya penyenggaraan setor kunyit.

Begambar ba simpang penama warung Pak Haji Sholeh.

Ba warung tu, kitai uleh milih baka ni pendiau kita deka diterenah pemakai sama ada kitai duduk besila tau ka makai duduk ba bangku baka ka dipandang ba dua iti gambar ba baruh tu.

Kurang lebih bisi sejam, setor pan penuh, kami pan mupok nerus ke pejalai ngagai hotel endur kami diau.

Hotel endur kami tu endang udah diatur urus setia ari Indonesia iya nya Royal Orchids Garden Hotel & Codominiums Batu. Menua chelap ketegal peninggi ari tikas purata tasik iyanya kurang lebih 5 000 kaki.

 Penama hotel.

 Gaya hotel diambi ari tanju bilik aum. Bilik hotel admin ba hujung rumah tu sekali belakang pun kayu semak payung.

 Lobi hotel.

 Lobi hotel ari sukut ke sama enggau gambar sebedau tu tang sukut kamera nuju ketas mimit.

 Lampu gantung ke bisi ba lobi hotel.

 Gaya menua Malang dipeda ari bilik aum.

Bilik ke diberi ngagai admin iya nya lumor 146 bilik twin sharing tau ke bekungsi tubuh dua. Nadai aircond, laban menua chelap. Hotel tu nang nadai nyedia ke aircond ngagai semua bilik penindu enggau bilik aum. Kadar diau semalam iyanya Rp. 450 000. (RM 160.00)

Dua iti katil berimbai. Palan penindu admin iya nya katil ke ngimbai dinding.

TV bisi mega disediaka. Kelimpah arinya, cerek kena nyumai ai angat pan bisi disengkaum sekali enggau ai mineral sereta kopi piket.

 
Bilik mandi mega bisi ai angat kena mandi.

Gambar di baruh tu ngayanke gaya gamal hotel tu. Mayuh macham utai ke dikena bala mayuh disediake hotel tu baka court tennis, gym sereta bisi mega pendai endur nyemerai.

Ngemelakangke pendai endur nyemerai rindu ati.

Hotel tu mega bisi mandang ke mayuh macham burung babas sereta jelu babas. Koleksi jelu babas tu digaga baka mini Zoo.

Sangkar jelu dipeda hari bilik hotel.


Jelu mendarat ke bisi ditupi ba Hotel tu.

Hari keterubah datai nadai bejalai ke bukai mina diau di Hotel ngaga pengawa laban malam tu bisi aum enggau delegasi Malaysia sebedau aum besai nyadi pagi pagila.

Gambar di baruh tu ngayan ke gamal menua Kota Wisata Batu dipeda ari bilik aum endur alai begempuru. Gambar sebedau berangkah aum diambi jam 8.21 malam jam Jawa Timur, Indonesia. Menua kitai jam 9.21 malam.