Pengingat Lama ari Warrant Officer (WO II) Tom anak Dap - Cherita 25

Tampung ari Cherita 24

Datai ba Pasar Sibu, aku enggau dua iku pegawai ari raban bansa Ribai iyanya Tuan OC Major D.L. Bruce Merrie, MC (Officer Comanding Sarawak Rangers) enggau Capt. Mike Bolton diau bemalam ba goverment rest house beantika kapal ke bisi bekejang ke Singapore.

Sekumbang diau ba Pasar Sibu, aku nadai kala berasai sunyi laban bisi kaban ari Rumah Panjai Samu Paku Saribas iyanya Matthew Sumbang ti gawa ba Pos & Telegraph (P&T)Sibu ti selalu begulai enggau aku nyiting malam berandau ngelantangka ati. Lebuh maya nya, palan ke bisi merindag ati ti dikerinduka urang bujang mina night club aja. Dia meh bala berandau enggau pangan diri ngirup ai bir sambil ninga lagu ari penanyi ke bisi merindang bala temuai ke datai. Mayuh macham lagu bisi disada bala penanyi lebuh maya nya. Tang ketebal agi mayuh lagu ari raban bansa China tauka Mendarin. Kelimpah ari ninga sada lagu ari penanyi, mayuh macham lagu mega ulih didinga ari jukebox. Jukebox tu iyanya sebengkah perengka bebayar ke ulih mainka lagu ke udah dipilih pengudah duit sen ditepuk ngagai mesin nya. Tebilang ba tahun 60an.

Pengingat Lama ari Warrant Officer (WO II) Tom anak Dap - Cherita 24

Tuan OC Major D.L Bruce Merrie, MC ukai semina rinduka soldadu Iban Sarawak Rangers tauka nyaga penglikun sereta pendiau sida iya enggau bini anak sida iya, iya mega rinduka main asal enggau adat raban bansa kitai Iban. Bulan April 1961, udah pengawa bepilihka soldadu tembu diatur, aku bisi dibai begulai enggau iya sereta siku agi pegawai soldadu Ribai iyanya Capt. M. Bolton bejalai ngusung rumah-rumah panjai kitai Iban ba Bagi Kedua enggau Bagi Ketiga, Sarawak. 

Sebedau berengkah mupuk bejalai, dia kami dibai Sgt. Ningkan anak Kasau ngagai rumah panjai iya di Pudai. (Diatu menuanya udah nadai agi, ampuh gasak ke tekat Batang Ai). Pemanah adat bansa kitai, ukai semina enggau bala ke beserimbai pendiau, kitai mega bebasa amat ngagai temuai. Dia kami disambut bala Iban Rumah Panjai Pudai enggau piring lalu bedara labanka rindu meda penatai bala kami, kelebih agi bala kaban ari raban bansa  Ribai.

Pengingat Lama ari Warrant Officer (WO II) Tom anak Dap - Cherita 23

Urung tahun 1961, aku bisi dipinta begulai enggau raban soldadu Sarawak Rangers ti begigaka urang di menua Sarawak ke deka direkrut nyadi soldadu. Pengawa begigaka urang tu endang digaga nyiting tahun, suah agi ba ujung bulan April, laban pengawa kitai Iban ke betanam tupi kelebih agi  baka ngetau padi udah tembu. Nadai kala puntan lebuh begiga ngambi urang ti deka nyadi soldadu.

Bala raban berekrut soldadu Iban Sarawak Rangers maya nya nyengkaum dua iku pegawai soldadu Ribai iyanya Tuan OC Major D.L. Bruce Merrie, MC enggau Capt. Mike Bolton, siku lutor soldadu Ribai iyanya Major Doctor Crowdy, Warant Officer II RQMS Jims Emray, Sgt. Ningkan anak Kasau, enggau tiga iku lain-lain pangkat (NCO) nyengkaum aku empu. Menua ke endur alai berekrutka urang tu endang udah dipilih dulu agi iyanya Kuching, Simanggang enggau Lubok Antu. Nyadi perengka pengangkut maya nya bisi bekenaka long boat tauka perau panjai laban menua Sarawak apin bisi mayuh jalai alun. Datai ba siti-siti menua, dia bala kami betemu enggau Tuan DO sereta tuai-tuai Iban ti udah di tesau bebaika nembiak iya ke deka nyadi soldadu.

How does getting rewarded through sharing sound like to you? Join #ChurpChurp today and bring more friends to the community!

How does getting rewarded through sharing sound like to you? Join #ChurpChurp today and bring more friends to the community!

Pengingat Lama ari Warrant Officer (WO II) Tom anak Dap - Cherita 22

Bala raban serdadu Iban Sarawak Rangers ti bepalan ba Baird Camp Ulu Tiram suba bisi disediaka perengka pengangkut minibus ti diberi tulung ari Lord Nuffel Trust ti dikena bejalai raun rindu ati ngelantangka diri begulai enggau pangan tauka bini enggau anak ngagai endur bukai ti tau naritka ati ba menua Johore tauka Singapore.

Perengka pengangkut minibus tu dikeluarka Motor Morris Company ti bepalan ba Orchid Road Singapore. Aku sekeda ari bala serdadu Iban Sarawak Rangers ke bisi lesen bebaika perengka pengangkut dipinta nurun ke Orchid Road Singapore ngambi minibus tu lalu dibai ke Baird Camp Ulu Tiram, Johore.

Pengingat Lama ari Warrant Officer (WO II) Tom anak Dap - Cherita 21

Sedili Besar bepalan ba nanga Sungai Sedili nebing Tasik China Selatan adap ke timur laut menua Johore. Urung tahun 1962, bala raban serdadu Sarawak Rangers enggau bini anak bisi kitu bejalai meda pemanah tasik enggau tebing sereta bemain rindu ati enggau bala pangan lalu bemalam ba endur nya bisi datai ngagai tiga hari. Pengawa ke dikumbai rest & recreational ba serdadu tu endang sigi bisi diatur ke ungkup raban serdadu maya nya kelebih agi sida ke bisi bini anak.

Ari Ulu Tiram raban serdadu Sarawak Rangers sereta bini enggau anak dibai ngena trak serdadu nempuh menua Mawai ke bisi ngembuan kampung ti agi jerung nengah jalai tanah mirah sebedau datai ba menua Sedili. Lebuh mansa menua Mawai tu, bisi ga aku mansut ke penemu ngagai bala bukai, nguji minta tanah ba kampung jerung tu ari Sultan Johore kena niri ke rumah panjai ngambika bisi temuda kitai Iban Sarawak Rangers ba menua Johore. Tang penemu tu enda diterima laban kampung jerung ba menua Sarawak agi mayuh, pia mega babas agi bedandang besai bedau diperimba.

Pengingat Lama ari Warrant Officer (WO II) Tom anak Dap - Cherita 20

Ba Baird Camp Ulu Tiram, bisi siti rumah sekula digaga kena bala anak raban serdadu Iban Sarawak Rangers belajar. Rumah sekula tu tembu digaga hujung tahun 1960 sama maya Flat Married Quarters tembu. Rumah sekula tu berengkah dikena ari tahun 1960 ngagai 1963.  Pengajar Perpetua Lika anak Irok tauka Indai Jonathan tauka bini Chif Clerk David anak Jaun bisi kala ngajar ba sekula tu berengkah bulan Jun 1962.

Pengingat Lama ari Warrant Officer (WO II) Tom anak Dap - Cherita 19

Palan endur alai serdadu tauka kem serdadu endang sigi bisi ngebuan rumah endur alai serdadu sereta anak bini sida iya diau. Ba Baird Camp Ulu Tiram, blok endur alai serdadu ke bisi anak bini diau baru tembu digaga urung hujung tahun 1960. Gambar dibaruh tu mandangka kuarters tauka Flat Married Quarters endur alai serdadu ke bisi anak bini diau ba Baird Camp Ulu Tiram.

Trip ke Kota Batu, Jawa Timur, Indonesia - Tusun 12

Hari Ke Penudi  16 September 2011 Jam 0700 Waktu Jawa Timur

Sebedau mupuk, bil bilik hotel dibayar ba kuanter.Bilik hotel lumor 226 bekunsi tubuh dua enggau rega Rp 240 000 bisi desediaka ngirup pagi ungkup dua iku.

Pengingat Lama ari Warrant Officer (WO II) Tom anak Dap - Cherita 18

Gambar ba baruh tu diambi ari Baird Camp Ulu Tiram nunga ngagai Kenya Camp Ulu Tiram diambi urung tahun 1961. Kenya Camp tu bisi kala diuan serdadu ari Batalion Gurkha, 40 Commando Royal Marines sereta Royal British Forester.

Pengingat Lama ari Warrant Officer (WO II) Tom anak Dap - Cherita 17

Dewan makai ba Baird Camp Ulu Tiram digaga ari papan sereta ngena atap asbestos cement. Daun penjan dewan makai pan digaga ari papan. Daun penjan tu dibuka tau ke disilak lalu ditungkat ngena kayu baka ke dipandang ba gambar di baruh tu. Gambar ke dudi sekali bisi ngayanka kayu ti nyadi tungkat penjan dipeda ari dalam dewan.

Gambar terubah tu ngayanka dewan makai ba belakang sekali. Ba mua dewan makai tu bisi papan kelai Sarawak Rangers. Lambang Sarawak Rangers tu udah ditusi aku ba Cherita 14. Ba gambar tu aku begulai enggau David anak Jaun sepiak kanan aku serta Wilfred Busu sepiak kiba aku. Gambar tu diambi urung tahun 1961.

Trip ke Kota Batu, Jawa Timur, Indonesia - Tusun 11

Bekejang ke Surabaya

Hari Ke Lima Jam 1100 Waktu Jawa Jimur

Enggai ke enda sempat nurun ari Kota Batu ke padang penerbai bilun Juanda ti bisi ngambi awak meniga jam bedau nyengkaum macet, nya kebuah kami nurun tumu ke Surabaya sahari sebedau penerbai pulai ke menua asal ti ngena bilun AirAsia. Kurang lebih jam 1100 pagi kami pan bekijang nurung ke Surabaya pasar ke dua besai ba menua Indonesia pengudah Jakarta. Jam kurang lebih jam 4.00 lemai waktu Jawa Timur kami pan datai ba Surabaya.

Trip ke Kota Batu, Jawa Timur, Indonesia - Tusun 10

Tampung ari Tusun 9

Hari Ke Lima 15 September 2011 Jam 0900

Hari ke lima, aum ke penudi iya nya besain ke minit sereta dokumen bukai dipejadika berengkah jam 9.00 pagi waktu Jawa Timur. Kali tu, baka ke aum sebedau tu, pengawa besain tu dipejadika enggau manah. Dokumen ke sediaka dimalam sereta dini ari tadi disain nadai diubah agi. Pengawa aum tu dipejadika ba bilik aum ke diberi nama Panderman II.

Papan kelai (Sign board) ba penama bilik aum.

Pengingat Lama ari Warrant Officer (WO II) Tom anak Dap - Cherita 16

Kelimpah ari bekawad, belatih nimbak sereta nyadi pengajar, aku mega mangku pengawa nyadi driber kereta serdadu. Aku belajar mai kereta serdadu tu ba Paroi Camp, Port Dickson (peda Cherita 9) maya baru nyadi serdadu . Maya ba Baird Camp, Ulu Tiram, aku mega suah endar mai kereta serdadu ba menoa Johore sereta Singapore, kelebih agi ba pasar besar Johore Baharu enggau Singapore. Semua jalai besai ke di pansa ba Johore enggau Singapore ditemu aku magang maya nya.

Di baruh tu ngayan ke Land Rover ti nyadi kereta serdadu ke dibai aku maya ba Baird Camp, Ulu Tiram. Gambar tu diambi urung tahun 1961 begulai enggau Lt. Tomlow anak Isa.

Trip ke Kota Batu, Jawa Timur, Indonesia - Tusun 9

Tampung ari Tususn 8

Hari Ke Tiga 14 September 2011 Jam 2100

Tu meh pengawa admin ke batang iya. Ngaga serta nyediaka minit begulai sama enggau urus setia ari Indonesia. Minit tu, enti ke jempat siap, mesti ngaga deraf minit dulu sebedau aum dipejadika. Deraf minit tu digaga ba opis dulu lalu dibai maya aum nyadi. Maya aum, kitai mina nambah utai ke diaum lalu diberi ngagai urus setia Indonesia. Udah nya minit tu pan lalu sama-sama digaga.

Dibaruh tu dirintai pengawa ngaga minit tu.  

Berandau enggau wakil ari PDRM laban deka ngiga idea ngaga minit.

Pengingat Lama ari Warrant Officer (WO II) Tom anak Dap - Cherita 15

Sarawak Rangers Uniform

Aku nyadi serdadu suba berengkah ari 7 Ogos 1959 (peda Cherita 9). Maya nya serdadu Sarawak Rangers agi dikumbai siti Kompeni serdadu penyidi. Berengkah ari 1 April 1960, serdadu Sarawak Rangers nyadi siti Unit ti dikumbai Special Tracking Unit ti dipegai sereta dikuasa oleh serdadu British (peda Cherita 13). Aku maya nya pan ngambi sain baru begulai enggau Unit ke baru ditumbuh nya.

Dua iti gambar di baruh tu diambi dalam tahun 1959 sereta dalam tahun 1961.

900928 Pte Tom anak Dap SWK R - Tahun 1959

Pengingat Lama ari Warrant Officer (WO II) Tom anak Dap - Cherita 14

The Sarawak Rangers Ordinance, 1960

Sarawak Rangers ditumboh ngena atur ti dipansut ari Sarawak Chief Secretary ti nitih ke perintah ari Gabenor Sarawak. Atur tu bisi ditulis ba Notis Lumor S 65 The Sarawak Rangers Ordinance, 1960, The Sarawak Rangers (Far East Land Forces) Unit Regulations, 1960 (Made under section 24) ke dipansut ba Kuching kena hari Lima, 25 Mac 1960.

Trip ke Kota Batu, Jawa Timur, Indonesia - Tusun 8

Tampung ari Tusun 7

Hari ke tiga 14 September 2011 jam 12.00 tengahari Ladang Epel

Sebedau kami nurun ke menua Batu, Malang, Jawa Timur tu, admin bisi becherita ngagai pangan ke sama enggau delegasi Malaysia madah ke menua ke gagai kitai tu chelap sereta terbilang enggau ladang epel. Pangan admin nya nadai arap sekali utai ke dicherita admin. Admin enda ga ngansah endar ngasuh iya pecaya laban gaya admin becherita baka ke betundi.

'Ni bisi ladang epel ba menua Indon. Epel mina ulih tanam ba menua ke bisi empat musim' kuk iya.

Aku mina rerising aja.

Maya ba hotel, bisi ga sekali admin madah ke lawatan bisi di atur tuai rumah Indonesia ngagai ladang epel. Admin enda nemu iya arap ke enda maya nya.

Trip ke Kota Batu, Jawa Timur, Indonesia - Tusun 7

Tampung ari Tusun 5

Hari ke tiga 14 September 2011 jam 10.30 pagi Wana Wisata Coban Rondo

Trip ke Kota Batu, Jawa Timur, Indonesia - Tusun 6

Tampung ari Tusun 5

Hari ke tiga 14 September 2011 jam 9.00 pagi Batu, Malang, Jawa Timur, Indonesia

Lemai tu tadi, polis ari Batu Malang Jawa Timur madah ke sida iya begulai enggau serdadu TNI bisi bebalas tembak enggau raban pengganas ke betuai ke Dr. Azahari sereta Noor Din Mat Top ba genturung menua Batu ba Jalai Flamboyan enda jauh ari palan rekreasi Songgoriti, Batu, Malang, Jawa Timur. Kelimpah ari bebalas tembak, raban serdadu mega bisi ngena granat kena ngebom endur alai pengganas tu belalai.

Trip ke Kota Batu, Jawa Timur, Indonesia - Tusun 5

Tampung ari Tusun 4

Hari ke dua 13 September 2011 jam 8.00 malam Jawa Timur

Makai Malam Rasmi

Baka selama, pengawa aum besai antara perintah endang sigi bisi pengawa makai rasmi. Gari ke dikena nadai kala gari bukai mesti ngena Batik Lengan Panjai. Delegasi ari Indonesia ngena Batik Indonesia. Baka nya mega delegasi Malaysia ngena Batik Malaysia.

Bedus tunu antara pemakai bisi disediake malam nya. Tang sayau nadai ai bisa kena ngelaban bedus tu. Enti bisi ai ke betul, nya baru iya.

Bala chef benung bepanggang ke bedus.

Trip ke Kota Batu, Jawa Timur, Indonesia - Tusun 4

Tampung ari Tusun 3

Hari ke dua 13 September 2011 jam 7.00 pagi Jawa Timur

Aum Besai sereta Pengawa Udah Nya

Hari kedua, berengkah aum besai jam 8.30 pagi jam Jawa Timur. Aum kami tu iya nya aum ngatur ke pengawa ke udah dikereja ba antara menua kitai enggau menua pegai Indonesia ba Pulau Borneo dalam tahun 2010 sereta 2011.

Sebedau nurun, sempat ga beambi gambar ba penama bilik hotel baka ke dipandang ba baruh tu. Manah amai gamal menua tu maya baru tawas.

Bilik tindu kami iya nya sepiak kiba admin ba gambar atas.

Trip ke Kota Batu, Jawa Timur, Indonesia - Tusun 3

Tampung ari Tusun 2

Hari ke terubah 12 September 2011 jam 1.00 lemai

Warong Pak Haji Sholeh

Jam  nunjuk ke pukul 1.00 waktu Jawa Timur. Setor udah bebunyi. Kami pan ngetu ba warong Pak Haji Sholeh. Ngetu merarau tau ke ngisi setor tau ke istilah ke selalu dikena kami iya nya penyenggaraan setor kunyit.

Begambar ba simpang penama warung Pak Haji Sholeh.

Pemerindang Ati

Nyau enda berasai sebulan nandan di langit setahun nampun di bukit, jam beganti hari, hari beganti minggu, minggu beganti bulan, bulan beganti tahun. Setahun udah umur iya. Ada ba Timberland jam 5 lemai kena hari Satu.

Sa-hari

Meruan Dikenang Belama



Loney George Pau

(8 March 1972 - 10 October 2010)

Trip ke Kota Batu, Jawa Timur, Indonesia - Tusun 2

Tampung ari Tusun 1

Hari ke terubah 12 September 2011 jam 10.00 pagi

Pusat Wisata Lumpur Lapindo

Pejalai kami ngagai Kota Batu bisi datai ngagai tiga jam enti sema machet (jalai sekut ketegal mayuh motakar ba atas jalai alun) taja pan penyauh ari Surabaya kurang lebih 120 km aja.

Palan keterubah endur alai ngetu tau ke first check point kami iya nya Lapindo iyanya endur alai banjr tanah lucak ke angat.

Trip ke Kota Batu, Jawa Timur, Indonesia - Tusun 1

Ari KLIA ke Padang Penerbai Bilun Juanda Indonesia

Kena 12 September 2011 tu tadi, admin bisi enggau delegasi Malaysia nemuai ngagai Kota Batu, Jawa Timur, Indonesia laban deka baun sempadan antara menua enggau delegasi Indonesia. Pejalai kami berengkah ari KLIA ngena penerbai bilun MH 871 mupok jam 8.15 pagi.

Pengingat Lama ari Warrant Officer (WO II) Tom anak Dap - Cherita 13

Sarawak Rangers (Far East Land Forces)

Kena 31 Ogos 1957, perintah Malaya buleh Mardeka ari Perintah British. Lalu maya nya pengachau komunis nyau kurang agi. Kenyau arinya, siti siti nengeri di menoa Malaya nyau mansang likun nadai pengachau agi lalu semua pengawa ke besekat udah di kemaduka.

Bulan Marc 1960, Sarawak Rangers pindah ari Port Dikson ngagai Baird Camp Ulu Tiram laban deka numboh siti unit ti dikumbai Special Tracking Unit dipegai sereta dikuasa ulih serdadu British. Unit mit tu tau dikumbai unit pemadu bepetemu dalam pengawa nyidi munsuh ba babas lalu tau dikena ba sebarang alai menua ba dunya enti sema digerah serdadu British. Unit tu mega dikumbai Sarawak Rangers (Far East Land Forces) dipejadika kena 1 April 1960 nitih atur The Sarawak Rangers Ordinance, 1960, The Sarawak Rangers (Far East Land Forces) Unit Regulations 1960 (Made Under Section 24). Berengkah arinya, aku lalu ngena lumor serdadu ti baru iyanya MYA 18195047 ti meri servis lalu dipegai Perintah Queen ari United Kingdom.

Pengingat Lama ari Warrant Officer (WO II) Tom anak Dap - Cherita 12

Pindah ka Baird Camp Ulu Tiram

Kena bulan 3 1960 kami duai Pte. Manja dipindah ngagai Kem Ulu Tiram Johore Bahru begulai enggau Sarawak Rangers ti benung sama pindah ari Kem Port Dickson ngagai kem nya. Kem ke alai bala Sarawak Rangers bepalan ba Ulu Tiram nya diberi nama Baird Camp ngangkatka nama Lt. Col. Baird ti terubah iya nyadi Ketuai Kepala (CO) Sarawak Rangers. Ba alai endur ke baru tu, Sarawak Rangers dijadika siti unit ti di kumbai Special Tracking Unit dipegai sereta diperintah ulih Serdadu British. Sida tu tadi di atur ngagai tiga iti platun ti mai ukoi penyidi enggau perengka wireless kena bejaku kin kia enggau pangan diri.

Gambar ke dirintai ba baruh tu mandang ke gaya pendiau Baird Camp di ambi urung tahun 1960 an.

Gambar Kuarters Kelamin

Jalan Kebun Sultan

Jalai Kebun Sultan ba Kota Bharu, Kelantan tau dikumbai Pasar China tau ka China Town laban ba jalai tu meh mayuh kedai china banding  enggau endur bukai ba pasar besai Kota Bharu. Ba jalai tu mayuh macham kedai bisi dibuka kelebih agi iyanya kedai makai. Kedai makai ke pemadu popular ditu iyanya Medan Selara Kebun Sultan. Ba medan selara ditu mayuh macham pemakai bansa cina Kelantan bisi disedia ditu. Aku nemu endur tu ulih kaban aku betanya ngagai urang mayuh ke bisi ditemu ba pasar Kota Bharu leban deka nguji makai utai ke dipanduk bansa china Kelantan.

Jalai Kebun Sultan.

Scotish Aviation Single Pioneer

Dulu kelia, maya serdadu benung operasi ba babas tau ka kampong ngenan ke menua ari penyelawai komunis, endar ngarap amat ka bilun ti ulih nganjung perengka kelebih agi pemakai serdadu sereta tau mai serdadu ke bakal ari palan operasi ngagai hospital. Maya nya, bilun engkaban apin bisi meri servis ngagai serdadu ba menua Malaya, nya alai sida iya ngarap endar ke bilun Single Pioneer seretaTwin Pioneer.

Pengingat Lama ari Warrant Officer (WO II) Tom anak Dap - Cherita 11

Hari Terbuka Kem Paroi Disember 1959

Kem Paroi bisi kala ngaga pengerami hari terbuka kena ngerami bala serdadu serta bini enggau anak serdadu kelebih agi serdadu ke dikumbai Malaya Other Ranks. Maya pengerami nya, mayuh macham pengawa bisi diatur baka mandangke bilun serdadu ke bisi meri servis nyaga penglikun di Malaya. Dibaruh tu dirintai gambar ke diambi ngayanke bilun single pioneer serta twin pioneer ke bisi di Kem Paroi.

Pengingat Lama ari Warrant Officer (WO II) Tom anak Dap - Cherita 10

Tampung ari Cherita 9

Nyadi Driber Serdadu

Kami training nyadi serdadu ba Kem Port Dickson bisi manggai ngagai 2 bulan berengkah ari bulan Lapan ngagai bulan Sembilan 1959. Maya trainingnya, kami diajar bebaris, nembak sereta mayuh macham agi pengawa ke dikerja ke bala serdadu. Tembu training aku enggau siku agi kitai Iban iyanya Pte. Manja anak Kendawang ari menua Kanowit dianjung ke 69 Coy Royal Army Supply Corp. (69 Coy R.A.S.C.) bepalan ba Kem Paroi, Seremban, Nengeri Sembilan. Ba kem nya kami duai tu tadi diberi kursus mai kereta serdadu. Kursus tu berengkah ari bulan Sepuluh 1959 ngagai bulan Satu 1960. Semua jalai ke bisi ba Nengeri Sembilan maya nya udah ditengah magang. Kami mega bisi diajar subjek mekanik iya subjek ngerepair kereta ngambi ke kami nemu kati deka ngadu ke kereta enti sema jai ba rantau jalai.

Gambar ba baruh tu iyanya gambar aku begulai enggau Pte. Manja anak Kendawang sepiak kanan aku ba kereta Land Rover serdadu. Duduk dalam motorkar Austin dibelakang kami nya iyanya Cpl. Aziz bin Uda ari Kuala Pilah. 

Pengingat Lama ari Warrant Officer (WO II) Tom anak Dap - Cherita 9

Tampung ari Cherita 8

Bekejang ke Kem Port Dickson

Ari kapal MV Rajah Brooke (kapal ke mai kami belayar ari Sarawak ke Singapore) bala kami pan lalu diangkut ngena bot mit ke darat lalu diasuh niki lori serdadu ti mai bala kami ngagai Kem Nee Soon. Maya nya mayuh serdadu ari menua Hong Kong begempuru ba kem nya.

Kem Nee Soon tu iyanya kem dikena bala serdadu British transit. Kem tu bepalan ba Sembawang adap ke utara di menua Singapore.

Tanjung Datu

Padang Penerbai Bilun Husein Sastranegara

Padang Penerbai Bilun Husein Sastranegara bepalan ba Bandung di menua Jawa Barat, Indonesia. Penyauh ari pasar besai Bandung bisi manggai ngagai 5 km.

The Grand Old Lady

Antara pengingat lama, sampi enggau juluk ati…

Siku lelaki duduk ba ruai temuai ba hospital private, nganti …….

Siku indu benung ngenam pemedis maya deka ngada....beranak ke terubah penatai nembiak baru dalam dunya tu....



1 hari



Padang Penerbai Bilun Sultan Ismail Petra, Kota Bharu, Kelantan

Padang penerbai bilun tu suba kala nyadi palan padang penerbai bilun serdadu langit British. Ditu meh keterubah serdadu Jipun terengkah ba Malaya kena 8 Disember 1941 maya perang dunya ka-dua suba.

ICQS Biawak

Kompleks Imigresen, Kastam, Kuarintin serata Penglikun (ICQS) Biawak, Lundu, Sarawak bepalan ba antara menua berimbai enggau Kompleks ICQS Aruk, Sajingan, Kalimantan Barat udah dipejadika kena 1 Januari 2011.

Pengingat Lama ari Warrant Officer (WO II) Tom anak Dap - Cherita 8

Belayar ke Singapore

Kami pan mupok belayar ke Singapore urung lemai hari pun bulan Ogos 1959. Ba kapal tu aku bekelala enggau Welfred Busu anak Minggat, siku ari kitai iban deka dipadu nyadi officer ba Sarawak Rengers.

Sama enggau kami ba kapal tu, iyanya serdadu Sarawak Rengers ti baru baduk ngereja pengawa ba menua Sarawak.

Gambar atas mandang ke bala serdadu Sarawak Rengers ba dek Kapal MV Rajah Brooke.

Pengingat Lama ari Warrant Officer (WO II) Tom anak Dap - Cherita 7

Nyadi Serdadu

Nya alai, lama udah begiga ke pengawa enda ga diterima, aku pan bisi ati deka nurun ke Kuching. Pun bulan lapan tahun 1959, aku bisi nurun ke Kuching laban mai indai Kapok (menyadi aku) ti deka berubat ba Rumah Sakit ba Kuching. Semua perangka baka surat ngetu sekula, surat testimonial sereta surat balas enda diterima kerja ari kompeni dibai sekali maya nurun ke Kuching.

Di Kuching aku bisi betemu enggau (Tan Sri) Gerunsin Lembart, (bala ari menua ti gawa ba Radio Sarawak) madah ke diri deka ngiga pengawa ke ulih diri. Dia iya lalu madah ke pengawa bepilih ngambi rekrut baru nyadi Sarawak Rengers tumu pagila. Iya pan ngasuh aku minta nyadi driver laban pengawa bukai baka nyadi officer enggau kerani udah diberi ngagai urang bukai. Taja pan tubuh mit tang pengawa driver tu endang enda beguna ke tubuh besai laban ukai kitai ke mai motor tang motor ke mai kitai. Dia iya pan lalu ngaga siti surat rekemen deka di bai maya bepilih pagila.

Padang Penyangkai Bilun Antarabangsa Brunei

Padang Penyangkai Bilun Antarabangsa Brunei iyanya padang bilun ke amat beguna ti meri servis nerbai ke temuai ari menua luar datai ke Brunei tau ke mai temuai ke luar ari menua Brunei. Serdadu Langit Diraja Brunei ba Pengkalan Langit Rimba (Rimba Air Base) mega bepalan ba padang bilun tu.

Gambar Nembiak Sekula Ari 3 Rebak

Enteri kali tu, admin deka bekungsi ke gambar nembiak sekula ari 3 rebak baka ke dirintai di baruh tu.

Gambar sekula aki Aeisha

Gambar nembiak kelas Form II St. Augustine’s School Betong diambi urung tahun 1955. Aki Aeisha bediri ba belakang lumor lapan ari kanan.

Tanda km

Tu meh gaya tanda kilometer ba menua pegai Brunei Darussalam ti digaga ari besi enda sebaka baka menua Malaysia ti digaga ari konkrit. Sistem tanda km tu sama baka sistem tanda km Malaysia. Ti di Malaysia, sistem baka tu dikumbai tiang jenis B iyanya ngayan ke siti nama menua ke pemadu semak sereta penyauh menua tu ari tanda km nya. Tanda km tu dipasang ba sepanjai jalai alun enggau penyauh antara satu kilometer ari tanda km ke bukai.

 

Ba gambar atas, ngayan ke menua Sg. Tujoh bepun ari tanda km tu. Nya kebuah tanda km tu kusong (0).

  

The State War Memorial Cenotaph

Irony of life

Mayoh first class student tau ke pelajar ke pemadu pandai nyadi engineer, sekeda nyadi lutor sereta sekeda nya nyadi lawyer.

Pengingat Lama ari Warrant Officer (WO II) Tom anak Dap - Cherita 6

Begiga ke Pengawa

Kena 25 Februari 1958, maya agi bedau megai pengawa ngajar ba Budu Development Scheme, aku bisi minta bantu ari OIC Budu Dev. Scheme iya nya Thomas Mc. Bride ngaga serta nulis testimonial kena aku ngiga pengawa bukai. Testimonial nya agi bedau disimpan aku baka ke dipandang ba baruh tu:

Tugu Perang Limbang

Tugu Perang Limbang digaga kena ngenang bala sedadu sereta polis ti lesi bebadi ngenan Menua Limbang ari bala penyelawai maya carut ba Brunei urung tahun 1962. Tugu tu bepalan ba tebing ai Batang Limbang seberai Balai Polis Pusat Limbang di Pasar Limbang. Di baruh tu dirintai gambar Tugu Perang Limbang maya nemuai ke Limbang kena 22 Mac 2011.

Bala polis sereta sedadu ti bebadi maya carut tu suba.

Pengingat Lama ari Warrant Officer (WO II) Tom anak Dap - Cherita 5

Nyadi Pengajar

Laban  alai nyambung belajar ngagai endur ke tinggi agi enda entu chukup penuduk taja pan result sekula form tiga manah, nya kebuah mai ati ti berat pulai ke menua ngiga pengawa ke ulih nerima pemandai certificate form tiga.

Ba menua, aku diterima nyadi pengajar ba Budu Development Scheme (BDS), Krian, Saratok, Kelaka berengkah ari tahun 1957 ngagai ujung tahun 1958. Taja pan nadai ngebuan certificate ngajar, sekula ba skimnya beguna endar ke pengajar labanke enda chukup urang ke bisi penemu nulis enggau macha. Gaji diberi BDS bisi manggai ngagai $90.00 sebulan. Ba skim tu, aku bisi ngajar ba dua bengkah sekula iya nya Ulu Budu School, Krian, Saratok sereta Sungai Engkilili Shcool, Krian, Saratok.

Pengingat Lama ari Warrant Officer (WO II) Tom anak Dap - Cherita 4

Jeman Besekula

Dulu aku minta ampun ngagai pemacha enti sema nama ke dirintai aku ditu bisi salah. Daya pengingat udah surut laban utai tu udah lama. Enti sema bisi salah minta bala kita ulih meri komen ba baruh tu tau ke e-mail ngagai ruai tu.

St. Peter's School, Saratok

Aku ngemun besekula iya nya urung tahun 1949. Aku nadai kala belajar ba sekula tadika laban maya jeman nya sekula tadika apin bisi. Terubah aku besekula iyanya ba St. Peter’s School, Saratok berengkah bulan Februari 1949 ngagai bulan Disember 1953.

Raun di Pasar Sandakan

Bejalai raun ba Pasar Sandakan meda endur ke bisi ngebuan kenang lama ulih diatur diri empu nitih ke jalai ke bisi diayan ba Sandakan Heritage Trail. Sandakan Heritage Trail tau ke Bekau Pesaka Asal Menua Sandakan digaga urung tahun 2003 kena temuai ngatur aktiviti bejalai kaki ti komprehensif  meda rampa menua ke bisi pesaka kenang lama ti narit ati.

Padang Bilun Sandakan

Padang bilun Sandakan, Sabah bepalan 13 km ari pasar Sandakan digaga urung tahun 1985. Padang bilun tu, antara pintu masuk penatai dagang temuai ke menua Sandakan.

Tu meh gaya dalam bangunan padang bilun Sandakan. Perabung bangunan tu amat manah dipeda mata.

Pengingat Lama ari Warrant Officer (WO II) Tom anak Dap - Cherita 3

Gawai Kenyalang

Urung tahun 1974, Batalion Ke-Satu Ragimen Renjer bisi ngatur pengawa begawai besai iya nya dikumbai Gawai Kenyalang. Gawai ti bepalan ba Kem Suvla Line, Ipoh, Perak tu berupai bendar rami ketegal tu meh pengawa begawai ke terubah iya diatur ba Semenanjong Malaysia, pengudah pemulai ke diri ari nembu pengawa di menua Sarawak. Tahun 1974 mega, tahun ke sepuluh Bataloin Ke-Satu Regimen Renjer tu ditumbuhke. Pengawa gawai tu diatur dalam kandang 4 hari 4 malam iya nya berenghkah hari Empat 30 Mei 1974 ngagai hari Minggu 2 Jun 1974.

Report Card 3 Generasi

Baka enteri kali tu, admin deka bekungsi koleksi report card ari 3 generasi iya nya report card  ari aki Aeisha, report card admin serta ke penudi sekali iya nya report card anak admin empu.

Report Card ka Satu

Pengingat Lama ari Warrant Officer (WO II) Tom anak Dap - Cherita 2



Kapal HMS Belfast - Flag Ship.

 

Tangga Serga

Antara bup keterubah dichelak dalam jaku iban iya nya bup ti dikumbai “Tangga Serga”. Bup tuk dichelak urung tahun 1936, becherita pasal orang ke tuchi ti dikenang kitai orang Kristian dalam jaku iban. Bup tuk dikeluar ulih London Society for Promoting Christian Knowledge (SPCK) bepalan ba Northumberland Avenue, W.C. 2 serta dichelak ba Great Britain ulih Billing and Son Ltd, Guildford and Esher.

SPCK antara mission ka tebilang enggau pengawa ngerambai ke pangarap Kristian Anglika. Jam ke diatu, SPCK dikelala orang mayoh dalam ngeluar ka bup pengarap kristian.

Pengingat Lama ari Warrant Officer (WO II) Tom anak Dap - Cherita I

Pengawa sedadu tuk ukai semina beperang ngalaban munsuh tau ka diau ba kem nyaga penglikun menua. Mayuh macam pengawa bisi ba pengidup sedadu. Kelimpah ari enggau operasi ba babas, bala sedadu mega bisi dianjung kursus awak ka sida iya bulih penemu ti ulih ngerja mayuh macham pengawa. Enteri kali tuk, admin deka bekungsi ke gambar aktiviti sedadu maya lepa ba menua London serta dokumen ka bisi besangkut enggau pengawa nemuai ngagai London.

Tangkuban Perahu, Indonesia

Gunung Tangkuban Perahu sigi ari gunung ba provinsi Jawa Barat, Indonesia kurang lebih 20 km ari arah utara Pasar Besai Bandung, kayu pun pinus enggau ladang kebun teh ulih dipeda tumbuh ngelingi gunung tuk. Peninggi gunung tuk datai ngagai 2,084 meter tau ka 6, 837 kaki ari tikas purata tasik.

Istana Cipanas, Indonesia

Sempadan Malaysia/Thailand

Caversham Wildlife Park, W.A